زوجي النسونجي والبنات؟!

اول حاجه المعرف مشترك بيني وبين صحبتي
بتكلم لكم بالمشكله واحاول اوضحها قد ماقدر
انا وحده شبهه ماعندي اهل!!
مع ان لي ام واب واخوان وخوات لاكن لو مالي افضل!!
بالعربي ماكان لي اهل لو اقولكم شي من اللي صار
لي احلف بالله بتقولو انتي كذابه
طق باب بيتنا قبل اربع سنوات شخص
مطلق ومعلم سالنا عنه اي كلام سالو اهلي
اتوقع بس ببغون يدفوني وزوجوني
اه ثم اه
عمري الحين ٢٩ وكاني ام ٥٠
من الهم اللي صار لي انتم متخيلين انام ابكي
واصحى ابكي
اكتشفت المتزوجه تقدر تتحمل اي شخصيه للرجل
البخيل والمعقد والبجيح والمسرف واللي ورى اهله
واللي مايعطي زوجته وجهه
بس ماتقدر تتحمل او بمعنى اخر بتمرض
من الزوج الخااااااااااااااااين
الزوج حق البنات اللي استغفرالله فيه مرض الحريم
فيه حب الحريم تخيلو كان يقولي مطلق انا اني مارتحت
لها اكتشفت البنت اعتقد خالعته من بلاويه
اكبر مصيبه
تمر ع متزوجه زوج يستنقصك يحسسك انك
ولا شي شينه مافيك لاجسم ولا جمال
لانه شايف بنات الحرام اشكال والوان
تخيلو يقولي من اول سنه زواج والله يانا شايف
زين وجمال لما قلت بس
وسفهته واكتشفت خيانات وسنابه كله بنات
وصورهم وانستقرام ويقردن البنات يبغاهم يقابلونه
وكم وحده قابلته ويكتب لها وش رايك بالبوسه؟
وكلام يوحش ومقرف بنفس الوقت
هو حلو فمصدق نفسه وعايش وضع
اللي اخقق البنات وللاسف فيه بنات جد يخقون
ع الشكل وعادي يطلعون معه بس عشان شكله حلو ويلبس ماركه!!
طنششششششت لاني عارفه مالي اهل
وظالميني اهلي الله يسامحهم
وتمشكلت معه واحيانا ابكي عنده من قهري
وهو ولا على باله
قبل فتره شفته خاق مع شيلاء سبت
وطنشت قلت مثله مثل هالمهابيل اللي يخقون
على فنانات لاكن صدمني مره قالي احب شيلاء
سبت لانها تذكرني بوحده نفس جمالها عرفتها قبل
١٠ سنين ونفس نظرتها بس تركتها لانها خاينه
ومره ثانيه قال بروح للمغرب وحلفت لو راح اروح
معه وقلت وش تبي فيها معروف العازب اللي بيروح للمغرب وش يبي
تدرون وش قالي قالي اني حيوانه ظالمتهم
تراهم شعب فقير وطيب عادي بنت منهم تسكن معي
وتصير نفس شغاله لي تمسجني وتطبخ لي اكل
وتضحك معي واذا كرمن مني عطيها فلوس
واذا مابي ولا تبن اعطيها قلت انا ياسلام!!
قال تراهم شعب فيهم حنيه يعني لو اضم بنت
خقت وباست رجلي اني ارجع اضمها ثاني مره
فالاتحسبين كل الناس همهم فلوس قلت من
كثر فلوسك يالحافي المنتف
قال هناك يخدموني ويحطوني ملك بدون فلوس
قلت لانك خروف عندهم
قالي الخرفان هناك اللي فوق ٤٠
بس اللي تحت ال٤٠ ماتقدر تاخذ من الرجل ولا تبن
الا بمزاجه والله فيه رجال من اخوياي يروحون ويرجعون
ولا يشوفون منهم تبن
امانه بنات وش هالحل من الانسان
جاب لي مرض نفسي
اول شي افقدني ثقتي بشكلي وقدامي يقول
ياحلو الممثله فلانه وانا شايف زين لين شبعت
وواله ياشفت بالسفر ملكه جمال اني جلست
اذكر الله وخفت يجيها شي وكلام كثير استنقاص بشكلي
مع اني ادري اني عاديه مو ملكه جمال
لاكن غيري كثير نفس شكلي وممكن اشين
بس ماشاء الله اخذو رجال عاقلين وعايشين اميرات
الله بلاني بانسان نسونجي حق حريم
حق جمال ومقارنات حق بنات ومقابلات
ماعنذي وظيفه ماعندي اهل
اهلي ناس ظالمين اقسم بالله اقسم بالله
اني لما كنت ببيت اهلي كنت انضرب وانا عمري ٢٥
سنه لما احيانا اموت من الضرب من ابوي اخوي
امي عادي جدا تتفل بوجهي وتسمعني ابشع الالفاظ
عشان كذا لاحد يقولي اهلك
لو لي اهل ماعشت كذا