زوجي امرضني

السلام عليكم
احب افضفض لكم احس بعدها ارتاح
زوجي متغير وبس معصب مو طايقنا
جاب لي التوتر والقلق كل خطوه محسوبه علي
ماكان كذا من سنه تغير
كتبت موضوع طويل وامسح بالغلط بس بحاول اختصر
المهم حالتنا الماديه صعبه وهو بس معصب ويدور علي اخطا وكان يتسلف حتى يوفر لنا الحين ماياخذ ريال عشاننا والله مويه تجلس يومين مخلصه والغاز مع الازمه اخذ اسبوع يمكن وهو بلييييد ولا على باله بس مبوز امرضني جاب لي الهم الله يجيبه له تخيلو يجي من الدوام وين الغدا طيب كيف اطبخ مافيه لاغاز ولا ماء يقولي كان دبرتي نفسك بالفرن يعني يطلعني غلطانه فكل شي وجلس يخاصم ماتسوين غدا ومدري ايش
قبل كم يوم قلت بروح لامي اريح كم يوم قال ليش قلت لانك ماتجيب اغراض للبيت قال بكيفي هو انتي ماتفهمين روحي بكيفك ولاعاد ترجعين يعني كلامه يجرح بقوه انا وش قلت ناس كثير مثل ظروفنا بس يحاولون لو بشغل ع السياره يدبرون لو خمسين ويقضون لبيتهم
هذا ينام للمغرب ويصحى فيه اكل وربي ذي كلمته ويجلس ع جواله لساعه ١٢ واسمع صكت الباب داخل نايم ماييييييهههههههههتم اذا يبغى حقه الشرعي بعد اسبوع اسبوعين يتودد لي بكلمه كلمتين وانا ماني حيوانه مالي نفس كرهته والله كرهته والله لي شهر انام ع الارض مالي نفس انام عنده ع السرير
فتتتتشت جواله ميه مره لو القى شي ارتاح واعرف انه هو اللي مغيره علي بس مالقيت شي
يجلس ع الجوال يا تويتر يالعب تافهه وتجلسين معه بالساغات جماد اليوم حطيت القهوه والعصر كله بس اطالع فيه والله ماتكلم بكلمه يعني مريض وبينرضني كمان يعاندني ويستفزني لين اجلس اصرخ بدون شعور
كنت حامل فشهر ١٢ من اسبوع قال لامه وانا اقوله اصبر شوي قال طيب وطنشني علم امه انا ماعلي منه بس وضعي كان صعب ومعي نزيف المهم اني فقدت الحمل الله يعوضني
والخين نفس الشي توني حامل وراح علم امه بدون لايقولي ونسيت اقولك يعني مو ضارب لي حساب وانا قلت له اصبر لاني كمان معي نزيف بدل العالم ماتدري ويصير نفس اول وطنشني وعلمها عناد فيه يقولي نفس اول امي لازم تدري طيب ماعليه وحتى هي قابلتني قلت يابننتي اسكتو لاحملتي لاتعلمون بس لادرت هي درا اخوه وزوجته وانتشر كل شي
قبلل يومين تزاعلنا ع هالسبب ولايكلمني من وقتها وقبلها مزاعلني اسبوع جاتني حاله نفسيه منه بس ابكي وهو ولاهمممممممممه والله اول كان غير انا عندي ظروف صحيه واخذ ادويه وحالتي صعبه من الحمل وهو ابدا ولا ع باله مايعاملني كزوجه
هالانسان منه رجا ولا ماينفع
قد اشتكيت لابوي قبل سنه ونص يمكن وكان موضوع اهون من كذا وقالي اصبري يابنتي اوعديني تصبرين يقولي زوجك معدنه ذهب انتي ماتعرفين الرجال ااااااه يابوي معدنه ذهب مع الناس مو معي
والحين مستحيه اقلق ابوي بسالفتي مره ثانيه وفنفس الوقت ماعاد عندي صبر
كيف ارجع قيمتي عنده زي اول احسه مو بشايفني شي هل بتطنيشه هل بخروجي مع صاحباتي وانسسسسسسساه اللي جربت تقولي
وبعدين صار اي كلمه فباله يقولها لي مافيه احترام ابدا مثلا يقولي فيك ريحه عرق احيانا اكون توني متروشه اقوله ايش يقولي بس برفع ضغطك مهتمه اكثر منه بميه مره بس خلى ثقتي صفر ولا يطلع عيب فوجهي ولاجسمي لو انا استخي اقوله له

المهم اني تعبت نورني تكفون وسامحوني طولت