زوجي انسان فوضوي

صباح الخيرالله لا يحللك ولا يسعدك اللي تنقل موضوعي للانستقرام أو اي موقع خارج هالمنتدى ..هي مو مشكلة بحد ذاتها ، لكن بديت انزعج منها بجد ، انا للي تعرف قصصي ماعندي اطفال وبس انا وزوجي بالشقة والحمدلله مرتاحة ، لكن يا بنات زوجي طفشني ، فوضوي بشكل لا يطاق ، انا متعودة انظف الشقة يوميا وابخرها وما انام الا كل شيء نظيف ، عشان اصحى الصبح رايقه وماعندي اشغال ، اقدر اسوي رياضة براحتي او اي شيء يخصني ، فلو صحيت ولقيت حوسه سبحان الله يتعكر مزاجي قسم بالله ونفسيتي تصير سيئة واقلب وجهي على زوجي والله مو بيدي غصبا عني ، والله احس فيه شيء غلط ، المهم كل ليلة قبل لا انام اسوي ترتيب سريع للشقة وهكذا ، اصحى الصبح انقهر ، ألقى قشور برتقال وتفاح وموز مرميه على طاولة المطبخ او طاولة التلفزيون ، فاين مفرث عالارض ، قراطيس ، طبعا زرجي يقوم بالليل دايما وهذه عادته ياكل من المطبخ ويحوس مثل الطفل ، واصحى الصبح ألقى نمل عليه !!!!!! واكثر المرات يجي يرمي الجزمة بنص الشقة مليانه طين واوساخ ، هذا من غير انه يرمي جاكيته او ثوبه بنص غرفة المجلس وشماغة وعقاله كل واحد فيهم بغرفة ، والبوك وفلوسه وبطاقاته مرميه بكل مكان ، والله حتى غرفة النوم لما يتعطر قبل لا يروح او يمشط شعره لازم لازم كل شيء بالتسريحه يطلعه ، نبهته أكثر من مره انه انا مو طالبه منه شيء غير انه يرمي ملابسه بالسله المخصصه للغسيل وشماغه يحطه عالكنبه بشكل مرتب وبقايا الفواكه يرميها بالزباله ، والله كأني اكلم جدار ..مره كان وقت مطر ، وكنت توني جالسه بلقط نفس من التنظيف العميق للشقه ، جاء بكل بساطة بجزمته مع الطين والماء متر الشقه تمتير فيهم ، قمت صارخت عليه ولبست عباتي من القهر وقلت له بروح اهلي انت نظف الشقه ، وصارت مشكلة كبيرة بيننا وهو قال انتي متسلطه وكل شي عندك نظام وتبين تفرضين نظامك علي ..والله يا بنات هذا غيض من فيض من حوسته وفوضويته الله يهديه ، وعجزت عنه ، وبسببه احيانا اصيب بالكسل واقول ليش انظف وهو يوصخ ويحوس وصرت ما انظف الا مره كل 3 ايام ..صرت متوتره وحالتي حاله لان شقتي احسها ماهي نظيفه من قلب وانا ماعرف اكمل يومي مروقه !!واذا دخل معي المطبخ وانا اطبخ هذه حكاية ثانية من الحوسه وكل درج بالمطبخ يفتحه ويطلع كل شيء عشان سكين ، يبي يقطع معي الخضره !!!للعلم هو بيتوتي درجة اولى ،، من النادي للبيت لدوامه فقط ، يعني متفرغ لي تماما ، وانا احب على قلبي زوجي عندي بس من حوسته و24 ساعه مقابلني بديت ازهق ،، حتى لما اقوله بروح لبيت اهلي يقول وانا وين اروح !!!!!!!!كيف اتعامل معه بالنسبة لحوسته ؟؟ ان تكلمت معاه او عصبت يقول انتي تحسبيني طفل تتأمرين عليه !! للعلم شخصيته قوية والكل يهابه يعني مو على نياته ..وكيف اخليه يخرج من صفة البيتوتي ؟؟ صار يتدخل بكل شغلي بالشقة ويقاله يساعد لكن بالحقيقة يحوس .. حتى اذا رحت زواره لاهلي او اهله كل شوي يقول متى نرجع طفشت خلينا نرجع وهكذا ..