السلام عليكم
مساء الورد على الجميع
ماني عارفه كيف ابدا انا متزوجه من عشر سنين والحمد لله عندي اطفال وشاغله كل وقتي في تربيتهم المشكله ان زوجي انطوائي الى ابعد الحدود ماتتخيلو كيف هوه ما عنده اصحاب نهائيا اربعه وعشرين ساعه جالس في البيت يداوم الصبح ويرجع الضهر يقعد على النت الى المغرب طبعا في غرفه لحاله والمغرب يروح يقضي اغراض للبيت ويرجع يكمل جلسته في البيت اقول له اطلع روح القهوه ما يرضى احاول اقنعه انا نطلع نتمشى مع زملاء الدوام وعوايلهم عشان اتعرف عليهم برضو ما يرضى يقول ما احب الطلعات
والله باطق والمشكله اني بالرياض واهلي بالجنوب يعني بعيده عنهم ولا اروح لهم بالسنه الامره وحده بالاجازه الكبيره
عيالي بالمدرسه تخيلو انهم زعلانين عشان اجازه الاضحى يقولو ما نبغا الاجازه والله ما الومهم من القعده بالبيت والطفش
تخيلو بنات والله احيانا اقعد بالشهور ما اشوف احد لا تقولون لي تعرفي حاولت لكن مافيه فايده بالرياض الناس ما تحب تتعرف الجيران لاهين بحالهم ما احد يدري عن احد ولا لنا اي اقارب بالرياض تخيلو بنات اخر مره عيدت عند اهلي قبل سبع سنين تدرون ليه لان زوجي ما يحب السفر ومستحيل يخليني اسافر وحدي
والله تعبت ارحم عيالي ودي انهم يطلعون ويخالطون الناس بس ما باليد حيله ولا تقولون لي حاولي وسوي لاني ما خليت طريقه وما سويتها لكن لا حياه لمن ينادي هوه مو اجتماعي نهائيا وانا اجتماعيه واحب الناس والجمعات
اه والله قلبي بيتقطع ودي اروح عند اهلي ما رضا اخواتي كلهم مجتمعات الا انا الوحيده اللي بعيده
تدرون الناس كلهم يفرحون بالعيد الا انا والله والله ويمكن ما تصدقوني ان العيد يجي ويروح ولا احد يدخل يعيد علينا لاحريم ولا رجال علشان والاولاد يوديه العثيم حق الالعاب يلعبهم اول يوم ويقول خلاص هذا العيد
شوفو لي حل تكفون والله انا احب الناس احب اروح للناس ويجوني
وعلى فكره عرضت عليه ينقل دوامه بجده على الاقل اهله هناك وبعض اخواتي المتزوجات لكن ما رضى يقول هو يحب الرياض مرتاح بدوامه فيها
معليش طولت عليكم بس والله كنت متضايقه مره وما عندي احد افضفضله الا انتم والله اني ما احسكم الا مثل اخواتي الله سعدكم ****لله
(عاشقة الحياة ) @aaashk_alhya_5
عضوة فعالة
يلزم عليك تسجيل الدخول أولًا لكتابة تعليق.
الله يعينك... ويهدي زوجكالله يعينك... ويهدي زوجك
امين يارب شكرا على مرورك
الغربه مشكله..طيب حاولي تشتركين بنادي نسائي علشان تشوفين بنات ممكن تتعرفين عليهم وبعدين تكون بينكم زيارات ..... الله يكون بعونك
الغربه مشكله..طيب حاولي تشتركين بنادي نسائي علشان تشوفين بنات ممكن تتعرفين عليهم وبعدين تكون بينكم زيارات ..... الله يكون بعونكالغربه مشكله..طيب حاولي تشتركين بنادي نسائي علشان تشوفين بنات ممكن تتعرفين عليهم وبعدين تكون...
فكرتك حلوه اختي الله يجزاكي خير بس ما اعرف نوادي قريب اذا تعرفي بلغيني انا بجنوب الرياض
طيب ماعندك جيران أحد من أهلك أهله أي احد ؟روحي وإطلعي وطلعي عيالك ,شركيهم بنادي محترم بس أهم شئ تختارين الصحبة الزينة لهم الدنيا مالهاأمان ,
الصفحة الأخيرة
ويهدي زوجك