حبيبتي ميس اول شي الله يقومك انتي و البيبي بالسلامة
تاني شي انتي هلا بآخر حملك مو ناقصك تعب أعصاب فوق تعبها
لهيك هالفترة بس سايريه و بعد ما تولدي رح يرجع لطبيعته
يمكن مضغوط و عم يفش خلقه فيكي ...
اذا سايرتيه بتضربي عصفورين بحجر ... الأول بتريحي رأسك من كتر الزن
التاني لو هدفه ينكد عليكي رح تنقلب الطاولة عليه و رح يلاقي ردة فعلك عادية و هادية
اما أهله و امه يا عمري طلعيهم من تفكيرك سواء هم السبب او لا و لو اني ما بتوقع
وهاد ما بيمنع انهم ممكن يزيدو الطين بله بس لا تهتمي و ركزي عحالك و عا بنوتتك و عا لبيبي الجاي
لما يقلك شي احكيلو أمرك ... اكيد انت اللي بتسميه حبيبي ما هو ابنك حبيب قلبك
المستشفى احكيلو فعلا اختيارك افضل ... الدكتورة احكيلو كأنك ببالي كنت حابة اغيرها
هيك يعني خربي خطة التنكيد و خليه يسال حالو شو صارلها ليش ما عم تعاند !!!
لا تمسكيه غلطة عليكي
الصفحة الأخيرة
دايم الاهل بيخربوا العلاقه بين الزوجين
انتي لاتفكري الا بنفسك علبال ماتولدي
وطفشي وريحي راسك
انا سمعت كلام خواتي بعالم حواء انه مابينفع الا الطناش
واشتري راحه بالي