مرحبا حبيباتي كيفكم مساااااء الخيرات عليكم
خواتي ابي افضفض لكم مررره مقبوضه وفي بصدري مثل الجمره من القهر هاذا يابنات ابكلمكم عن زوجي المصون ومن فيه غير هالرجال بموتونا من القهر المهم قد له فتره وزوجي متغير مررره علي انا ساكنه عند حموله ماعمري عاملني قدام اهله كزوجه نطق اسمي عندهم دايم محقرني ويناظري بطرف عين مدري وش علته انا لي متزوجه 7 سنين وعجزت افهمه ودايم يعايرني باني اكبر منه وهو مابيني وبينه الا11 شهر بس وتعرفون هالاحساس عند الحرمه والله يذبح ومافيه مخلوق بالبيت مايعرف بهالسالفه انا ماهمني بس من كثر مايشوفون زوجي قدامهم محقرني ور يعطيني بال صارت حتى اهم معاملتهم لي مره زفت تخيلو حتى مرت اخوه اذا جات تتكلم معاي احسها تناظرني بنظرة الشفقه ودايم يضرب بمرت اخوه الامثال مع اني انا القديمه بس احسه معجب فيها كثيركثير
عندي منه بنت وولد وهاذا اللي مصبرني عليه مع انه جو الغرفه انسان ثاني مع انه مو ذاك الزود بس افضل من انه موجود عند اهله
في فتره قبل اسبوعين طفشت من هالوضع وعزمت اادبه وقلت ابستخدم معه اسلوب التطنيش واشوف اذا بينفع وكنت هاذيك الفتره عند اهلي زياره وصار يدق ويسئل وع انه بالعاده اذا انا عند اهلي مايرفع السماعه ولايفكر يقول انا ماحطيتك بالشارع المهم قلت الحمدلله نفع هالاسلوب وارجع البيت وبرضوه طنشته اثاريه يشيل بصدره ومو عارفه وكانت هاذيك الفتره فيني الدوه وكان يتسحب يبي ينام معاي وانا قلت بما اني فيني الدوره خلني اتغلى اكثر واخليه يشتاق اكثر ومنها انه اادبه عن تصرفاته وسفهانه لي والله يابنات اني اكلمه ويد علي من طرف خشمه شايف عمره مغتر بحاله مع انه والله مافيه من زين نقطه بعدين اقولكم رفضت عن الفراش وعلمته اني الدوره فيني واخذ اشيا سطحيه بس ماخليته بالعميق والله رحمته بعدين ماابي ربي يغضب علي وخلص بس بسته على راسه اعذروني على الصراحه الزايده بس ابي اصور لكم حالتي المهم صحينا من بكره على طول ورجعت ديمه لعادتها القديمه تندمت اني عطيته شي رجع شايف نفسه والكلمه تطلع منه بالزووووور وماوده يطلعها عندها انقهرررت من جد وكنت في نفس اليوم خلالاص ابطهر من الدوره جيت من القهر قلت خير ****لله وشفيك ترد علي وتنفخ وحطيت له كم كلمه اباذانه ورحت اكمل شغلي المهم جا المسلسل حقي وجلست اشوفه ويحتم علي الموضوع اجلس عنده ومن جلست واهو يسولف سواليف تسد النفس واهو يرتب شنطته ويطلع اوراق قديمه ويطلع الصور حقته من يومه صغير ويورينيها ويوريني بطاقته اول بطاقه له يوم كان صغير تخيلو وجا على بالي سوال كذا اقوله يوووووه كم كان عمرك يومها تدرون وش رد اصغر منك ب11 شهر واهو يضحك ويتبسم على باله يمزح عقبها ماعاد كلمته قال ليه تزعلين من الحق وبرضوه مارديت واهو قاعد يستلطف بالكلام كان رايق بقووووووووه ومااحبه يكون رايق والله يكون اسلوبه زفت معاي المهم جا يطلع وقبل لايطلع قاعد يحلق دقنه بيروح يصور للدوام حقه وبس خلص قال والله اني حلو من هاذا الاطخم وانا اناظر فيه قلت من ضاحك عليك بس وقايلك انك حلو هههههه تدرون وش قال بتعرفين من اللي بيضحك بالالالالالالالالالالالالاخير وقرقعت هالكلمه بنفسي تتوقعون وش يقصد قلت المهم لاتنسى تجيب لنا عشا قبل تروح ولالالالالالالا تتاخر مجهزتلك مفاجئه وربي اني كنت ببالي اني ابسوي حاجه حلوه بما اني خلصت من الدوره قلت يابنت ادحري الشيطان وتسنعي لزوجك وارضيه وحاولو تفاهموون بالكلمه الحلوه ومن قلتله لالا تتاخر واهي الجنيه جايته مو شغلك انا اصلا كنت ماابي اتاخر وبما انك قلتي كذا عناد ابتاخر قلت براحتك وطلع نيمت العيال ورتبت الغرفه وتنظفت وحطيت المكياج ولبست اللبس اللي يحبه وجلست انتظره توقعته يمزح الاوهو فعلا تاخر مادخل الغرفه الا الساعه 2 بالليل واهو مبسوط يصفر ويغني يبي يقهرني وانا اطالع فيه المهم جلس وجلست اسولف معه وسافهني ولا حتى كلمه اقوله بردااانه جالسه انتظرك تعال دفني يقولي البسي وتدفين خنقتني العبره وقربت منه ابي اضمه طالع فيني وقال الحين انتي وش تبين قلت ابي اضمك قال اقولك روحي نامي مو انا على كيفك متى مابغيتيني عطيتك واذا بغيتك تتمنعين والله اني ماتمنعت واهو جالس يطلع بلاوي قبل ومشاكل قديمه مدري وش قصده يبي يحط اللوم علي بعدين ابعدت عنه وقلت مو الشرهه عليك الشرهه علي انا اللي انتظرتك وانت ماتستاهل طالع فيني وقال بس هاذا اللي انا ابيه تطلع منك هالكلمه وخلي كلامك ينفعك رحت اركض على سجادتي ابكي بحرره من الضيم اللي انا عايشته مدري كيف اتصرف معااااااه اكلمه عادي والا اسفهه على تصرفاته والا اروح عند اهلي واشتري راحتي والله اني عند اهلي عايشه مثل الملكه مااحد يذلني ويحقرني مثل هنا انواع الاهانات تكفوووووون دلوني للطريق الصح ابي منكم دعوه بظهر الغيب انوه ربي يسخره ويهديه ويبعد عنه بنااااااات ابليس ورفاق السوء ولكل من قال آآآآآمين
ليدي فوفه @lydy_fofh
عضوة
يلزم عليك تسجيل الدخول أولًا لكتابة تعليق.
رائدة معروف
•
الله يعينك ويسخره لك
الله المستعان اختي اولا الجيء الى الله بالدعاء لانه وحده هو اللي قادر يغير زوجك واقرئي الرقيه الشرعيه في بيتك يمكن فيه عين بينك و بينه واقرئي سوره البقره بصوت مسموع بالغرفه باستمرار وراح تحسين انو تغير عليك وشربيه مويه مقري فيها وهو ما يدري لانه بيقول انا ما فيني شيء وانتي موسوسه بس ما عليك وقران ربي ما يضر ان شاء الله ورشي الغرفه بمويه مقري فيها والله يهدي سركم
حبيبتي انتي والله رحمتك
يبدو لي ان زوجك مشكلته وعقدته فارق السن
ياعزيزي انت خطبني وعارف عمري
وقابل بفراق السن البسيط بيننا
الله اكبر 11 شهر شايفه كثير
ماني قايله الرسول ماخذ خديجه رضي الله عنها وفرق السن 15سنه
لان مافي وجه شبه او مقارنه لا بالمقام ولا بالخلق
صلى الله عليه وسلم
يبيك يتجاوز هالمسأله ويحسن أخلاقه ويكرم المرأه اللي عنده
مايبيك هذا انتي قلتي بخط يدك.. انتي ببيت اهلك ملكه
مايسوى على الوحده الاهانه
7 سنين .. اذا كان هذا وضعه مناقر ومعاند
اسمحي لي
عقليته علقية مراهق جاهل
الله يسعدك ويهنيك ويعوضك خير
يبدو لي ان زوجك مشكلته وعقدته فارق السن
ياعزيزي انت خطبني وعارف عمري
وقابل بفراق السن البسيط بيننا
الله اكبر 11 شهر شايفه كثير
ماني قايله الرسول ماخذ خديجه رضي الله عنها وفرق السن 15سنه
لان مافي وجه شبه او مقارنه لا بالمقام ولا بالخلق
صلى الله عليه وسلم
يبيك يتجاوز هالمسأله ويحسن أخلاقه ويكرم المرأه اللي عنده
مايبيك هذا انتي قلتي بخط يدك.. انتي ببيت اهلك ملكه
مايسوى على الوحده الاهانه
7 سنين .. اذا كان هذا وضعه مناقر ومعاند
اسمحي لي
عقليته علقية مراهق جاهل
الله يسعدك ويهنيك ويعوضك خير
الصفحة الأخيرة