زوجي بارد ما يتكلم ولا يمدح ولا يطلب

بنات محتارة مرة وما عرفت اكلم مين فقلت انزل هنا موضوعي احد يفيدني
انا ملكت قبل ٤ شهور وما اتكلمنا فترة الخطوبة اصلا كل شي صار بسرعة المهم يوم الملكة جلسنا اول مرة لحالنا تخيلو ما مدحني ولا شي وجلس ساكت جاني قلق بعدين اتكلم عن شغله وسالني عن تخصصي وشغلي وكذا وبس بعد الملكة اتواصلنا واتس يا بنات الرجال ما يتكلم !! ولا يرسل كثير وجا زارنا كم مرة وكل مرة يجيب هدية ولا ورد بعدين خرجنا وصار يوصلني الدوام شوية شوية بدا يتكلم بس كل كلامه عن شغله ما يعلق على شي ولا يمدحني ولا يطلب مني صوري ولا يمسك يدي اذا خرجنا يسلم علي كاني خويه يا بنات طفشت منه !!! ما بيننا اي كلام حب وغزل صارت ٤ شهور وهو نفس الوضع بس يشاركني ايش صار بشغله وكذا ويسالني عن شغلي وبسمني فاهتمه هل انا مو عاجبته ولا هو ما يفرق معاه شي !!
يعني انا كم مرة حاولت اتكلم معاه وافتح سوالف يتكلم بعدين يسكت واذا كنا نتكلم واتس فجأة يسكت وما عاد يرسل تخيلو ما اتصل ولا مرة بعد الملكة !! لما يزورنا البس واتجهز يطل فيني لكن ما يمدح ولا يطلب صوري ودايما يجيب هدايا ولما نخرج يسال اذا ابغا شي جاب لي ايرور أفعاله كأنه مهتم ومعجب ولا مدري يمكن بس يجيب هدايا ويسأل من باب أنه ما يقصر معايا بس كلامه مرة لا .. مدري طبيعي وضعه ولا كيف يعني كل ذي الفترة الواحد يتعود انا استحي مرة ما اقدر اطل فيه حتى وكنت ساكتة مرة بالبداية بس احس دحين اتعودت عليه حتى امزح معاه بس هو مدري كيف يعني أحد يقلي الوضع طبيعي ولا كيف ؟؟؟!!