زوجي بالسوق ودي أخنقه 《 سالفة مبكيةة

مرحبا بنوتاااااااات 

 بقلكم مشكلتي  ويارب تنتهي 
وهو ان زوجي يسبني بالسوق يسبب لي احراااج ولازم يناظرون فينا الناس وافهمه انه مايصير كذا عيب ي خااااااي ترا عندي كرامةة يعني مثلا انا متحجبه ولله الحمد وعيوني ماتبان لكن مع الحركة بالسوق ينفتح النقاب شوي  ويقعد يهزئني بصوت عالي 《 تراه مب مطوع :| 
 ولمن ندخل محل يقعد فوق راسي يقول لا تتحركين !! هو بطيء ويترفز بسرعة مدري شلون تجتمع هالصفتين فيه

 المهم الادمي لم ينزلني السوق  ينزلني وقت متاخر ويوم واحد اكمل لطفلي ولنفسي من ملابس واكسسوارت ومكياج إلى حد جزم تكرموون فلازم اتحرك واظهر  بسرعة تارة عند الملابس وتارة عند الجزم وتارة عند الاكسسورات ومرورا بالسقف :))
 

طيب انا الوقت يداهمني وأن لم اقطعه بالسيف قطعني وقعدت بدون مشتريات 
وازيدكم من الشعر بيت بعد يبي يتخير لي ملابس ويفرض ذوقه 
فهمته مرات ومرات أن كل واحد له ذوق وهذا رجع إلى هرموناته وترا  لولا اختلاف الأذواق لبارت السلع  وترا مو شرط الزوجة لازم توافق  زوجها ف كل شي وكل واحد بلبس الي يبيه ولو كنت اوافقك لاصبح استايلي مثل ليدي **

المهم شفتم اللستة والشرح الي فوق كل  يذهب هباء منثورا وكانه يقول لي موتي بغيضك ترا اذن من طين واذن من عجين 

وإذا قلي اختاري لي شي اقوم واختار له يقوول لا مب حلوو  واكتشف بعد فتره انه شاريه !! لان اخوه مدحه 
طيب ونا ي سي سيد ليه تاخذ رأي من البداية 《 هذي المشكلة ماتهمني بقدر ماتهمني انه يفشلني بالسوق ويسميني الجنية بسبب حركتي السريعة ومراقبته البطيئة والتقاطة البطيء لسرعتي الضوئية 
والله اني مرات ابكي بصمت ثمن ادخل المحل الفلاني وانسى لاشفت الاغراض وترجع حليمة لعادتها القديمة وتعود تلك الحلقة من جديد

 سب + تفشيل + اغراض + جنية بسرعة الضوء + زوج بطيء = المفاز شرت فوسطان ههههههههه