قلص :

مادرى بايش انصحك هذا زوجك وانتى ادرى بطبعه اذا تنفع معه القوه استقوىعليه واذا ينفع معه التمسكن تمسكنى اما من ناحية الخروج اشوف حلو تروحى لاهلك ثلاث مرات بالاسبوع وبعدين اكيد انتى عارفه ان اختك عندها عزيمه ليش ماكنسلتى كل خرجاتك هذاك الاسبوع عشان تروحى العزيمه وانتى رايقه بما انك عارفه طبع زوجك ان شاالله ربى يفرج همك ويبدل حزنك فرح وسعاده ويهدى زوجك ويعميه عن غيرك

مادرى بايش انصحك هذا زوجك وانتى ادرى بطبعه اذا تنفع معه القوه استقوىعليه واذا ينفع معه التمسكن...

مها الإمارات :

أولاً إختي أدعو الله أن يسخرلج زوجج ويسخرج له...وأن يصلحه ويهديه وأن يريه الحق حقاً ويرزقه اتباعه وأن يريه الباطل باطلاً ويرزقه اجتنابه....إنه على كل شيء قدير... إختي إنتي عارفه طبع زوجج أكثر منا نحن...أهم شي أريدج تتأكدين منه إن زوجج ماخذتنه الغفله..والله يهديه...يا رب إختي بالنسبة لطلعاتج لبيت أهلج...أقولج احمدي ربج مليووووووووون مره وأكثر....تعرفين ليش لأن غيرج ما يزور أهله هالقد...بالنسبة لي ممنوع أزور أهلي أكثر من مرة في الشهر...وإن اعترضت صاروا شهرين وكل ما أعترض زاد عليّ شهر...ما أقدر أسوي شي لكن أقنعت نفسي بأن جلوسي في البيت لي في أجر...والله سبحانه وتعالى قال في كتابه العزيز...( وقرن في بيوتكن) وهالآيه كل ما أذكرها تعيني سبحان الله على الصبر... إختي حد من الأزواج تملكينه يوم اطيعينه بدون نقاش...وبمجرد ما يهدا ممكن إنج تناقشينه بهدوء... وبعدين إختي غلطتي يوم قفلتي الباب عنه...كان من المفروض إنج تفتحي له...حتى لو كنتي زعلانه...وهو يبغي يعاقبج على اللي سويتيه بالمبيت برا البيت...والزوجه ما تقدر تأدب زوجها بالقوة...حاولي ما تكونين ند له... في رايي لا تناقشينه ليش بات برا...لأنج تعرفين ليش...ولا تبينين إنج انقهرتي على شان ما يكررها...وبعدين الحمدلله إنه راح وبات في بيت أهله..مب عند وحده غيرج... وخفي عليه شوي حبيبتي من النقاشات والنصايح...ترى أكره شي عند الزوج إن زوجته تنصحه لأنه يحس بأنه أقل منها...قابلي قوته بلطفج وتسامحج..إن عصب عليج واتهمج وسبج نزلي راسج شوي وبعدين طالعيه بنظرة إنه كسر خاطرج من بكلامه..وهالنظره بتخليه يهدأ ويحس إنه غلطان...والله جربتها مع زوجي..كان معصب وطالعته بهذي النظره تعرفين شو كانت النتيجه إنه بعد ما خلص من الصراخ عليّ..قالي إنتي تخلين الواحد غصباً عنه يعصب عليج ويكلمج بهذي الطريقة..وحس بالندم...بس لو كنت رديت عليه شو كانت النتيجة بتكبر السالفة أكثر...صح وإلا لا... وإن رفض شي تطلبينه منه...قولي له إن شاء الله وبدون أي إعتراض...وبتشوفين إنه بيرضى على اللي تبغينه...أما إذا ناقشتيه وقلتيله ليش ومن هالكلام..راح يرفض بس على شان يقهرج...( وهالشي يبغيله طولت بال حبيبتي ومع الأيام هالإسلوب راح يجيب نتيجه وبيتغير وبتلاحظين)...أبداً لا تظنين إنج تقدرين تغيرين زوجج بسرعه وفي وقت قصير... الزوج الحار والعصبي ما يبغي زوجه عصبيه وحاره مثله...لأن بهالطريقة بيشب البيت حريقه...حاولي تغيرين من أطباعج معاه ...والله يقول في كتابه...( وامر أهلك بالصلاة واصطبر عليها)...وهالآيه خليها لج قاعده في كل شي تبغينه يتغير في زوجج مب إلا الصلاة...واصبري والله بيفرجها عليج إن شاء الله... وبالنسبة للقنوات الجنسية...الصراحة بخبرج عن تجربتي...( ما أدري إذا بتفيدج..بس أنا فوضت أمري لله وسويتها)...أول ما تزوجت بفترة كنت أنظف طاولة التلفزيون وأرتب الأفلام...دفعني الفضول إني أشوف شو في هالأفلام...وشفتها والعياذ بالله كلها أفلام إباحيه وعددهم أكثر من 10 أفلام...جمعتهم في كيس وأول ما جاء قلت له بهدوء...إنا ما أبغي هالنوعيه من الأفلام في بيتي وإذا ما تخلصت إنته منهم أنا بتخلص منهم...وخذهم وقال أنا بتخلص منهم...( وهني أنا نادمه أشد الندم لأني ما قطعتهم وكسرتهم ورميتهم بدون ما يدري...لأني أحس إن هالأفلام راحت لناس غير زوجي وأنا السبب في هذا) وشي ثاني بعد كان مركب دش الهوتبيرد وفي قنوات أجنبيه كثيره ومنها قنوات إباحيه...رحت في البدايه وحذفت هالقنوات...ويوم شفت إن زوجي ما قال شي جبت العامل اللي يركب الدشات وقلت له احذف لي كل قنوات الهوتبيرد وافصله من فوق البيت ما أريده وخل بس النايل سات والعرب سات....والحمد لله افتكيت من هالقنوات.....وبالنسبة لقنوات الأغاني فكلهم حاذفتنهم من ريسيفراتي...ومرة سألني زوجي عنهم وقلت له ما أبغي هالشي في بيتي لأني أبغي الله يبارك لي فيك وفي عيالي وفي بيتي...فرد وقال يعني إنتي تتحسبين إني ما أشوف برا البيت..قلت له بتشوف برا البيت هذا شي راجع لك لكن في بيتي لااااا ما أسمح بوجود هالقنوات....والحمد لله من عقبها ما سأل....لأني توكلت على الله وسويت كل شي لوجه الله.... أما علاقاته النسائية...ما بتقدرين تغيرين منه طول ما هذا الشي في باله...(لن تهدي من أحببت والله يهدي من يشاء)...ما لج غير الصبر والدعاء...كرري هذا الدعاء على النساء اللي حوالين زوجج ( اللهم اكفنيهن بما شئت وكيفما شئت إنك على كل شيء قدير...اللهم اكفنيهن بما شئت فأنت حسبي..اللهم إني أجعلك في نحورهن وأعوذ بك من شرورهن)...نفس الشي ادعي بهذا الدعاء إذا بغيتي تتجنبين عصبية زوجج وشره ( اللهم إكفنيه بما شئت وكيفما شئت إنك على كل شي قدير..اللهم اكفنيه بما شئت فأنت حسبي)... وعسى الله يغير حياتج مع زوجج للأفضل ويجعله عون لج في دينج ودنياج يا رب.... أدري إني طولت عليج وايد..بس إعذريني حبيبتي لأني ما أبغي شي ينكد عليج وعلى غيرج حياته وبما إني مريت بنفس الأشياء اللي مريتي فيها قلت على الأقل أخبرج شو سويت.... والسموحه

أولاً إختي أدعو الله أن يسخرلج زوجج ويسخرج له...وأن يصلحه ويهديه وأن يريه الحق حقاً ويرزقه اتباعه...