زوجي طيب وحبوب الى فترة قريبة
كانت ظرفه المادية صعبة وكنا ساكنين بيت بسيط على قد ظروفنا
مرت السنين وانا اراعيه بظروفه وما اضغط عليه بل بالعكس اساعده واوقف معاه
لدرجة لما كنت طالبه وتنزل لي مكافاة اصرف منها علي وعلى بيتي
وما امن والله بس اقول الحقيقة
اللي صار انو ظروفه تحسنت بالحيل وصارت شبه ممتازة لكن الرجال يزيد في الامساك
وكل ما اطلب منه شئ يقول لي نفس الكلمة اللي كان يقولها اول حياتنا
" من وين لي " انا على قد حالي !!!
وهو والله من حسن لاحسن و ربي فتح عليه وامورة كويسة
لكن مازال يحسسني انه فقير غير قادر على تكاليف الحياة
لما قلت له لازم نغير البيت صار لنا 10 سنين فيه وظروفنا الحمد لله كويسة ما يصير نظل بالبيت
هذا الناس وش تقول عنا ؟؟
زعل وعصب وقال مارح اطلع من هذا البيت !!
والحين في المصروف يقتر علي وعلى عيالي
ويذلنا بسالفة الكهرب والتكييف
يعني كلكم اجلسوا بغرفة وحدة ليه الاسراف
ولا تشغلون الانوار كلها . ما يحتاج !
ولما ازور احد اتمنى اخذ بيدي شئ .. لكن للاسف يرفض !!
و اشياء واشياء ... بس الله يفرجها
هذي مشكلتي معاه
اتمنى الاقي عندكم حل !!
والله تعبت معه
ومساكين عيالي لما يحتاجون شئ لازم يقدمون معاريض
عشان يفكر بالموضوع ويستخير ويدرس جوانب السلبية والايجابية
حتى والله لو انها اقلام خشبية !!
منتظرة اراءكم الله يبيض وجيهكم
لانهم اغلبهم يجمعون علشان شي مستحيل يسكر على فلوسه وهو مو حاط فراسه شي