زوجي بدأ يشتكي من صمتي ......

قولولي وش الحل هذا طبعي وأنا أصلا قليلة كلام .........

نفس طبعي وزوجي متضايق من هالموضوع انا مشكلتي اني احسب الف حساب قبل ما اقول الكلمة وخاصة مع زوجي كل ما جت في بالي سالفة قعدت افكر اقول ولا ما اقول طيب يمكن السالفة ما تهمه ويمكن ما تعجبه هالمواضيع ويمكن ويمكن ....لين اهون
الشغلة الثانية اني تقريبا انطوائية وقليلة اختلاط بالعالم وما لي صديقات وما اهتم باخبار الناس عشان كذا ما عندي شي اسولف فيه
بس مع الحريم اسولف عادي لأنهم اصلا ما يسكتون وينتظروني افتح موضوع ( يوه عاد لما نصير انا وزوجي ساكتين ويقول لي افتحي موضوع اكره عمري ساعتها) وطبعا الحريم لهم مواضيع مشتركة كثيرة من سوالف العيال والطبخ والموضة وغيره اما زوجي يوم يقعد يسولف عن عمله وانا اقول ايه واهز راسي تقولي فاهمة وانا مو دارية عن شي ( تخصصي قريب من عمله) لين يحس ويقول والله شكلك مانتي فاهمة شي !!
طولت عليك ما صدقت الاقي حد نفس مشكلتي ولا الحريم معروفين ما يمسكون السنتهم عن الهذرة واتمنى حد يدلنا على حل يخفف من هالطبع لأنه مستحيل يتغير

:D :D :D :D

أما انا فزوجي يشتكي من كثرة هذرتي أحيانا

أهم شي في حالة سولف معك زوجك أنك تبينين نفسك مهتمة بكلامه وطالعية في عيونه حتى لو كنتي ميته من الملل...

اختي اسالية عن حالة في الدوام وش صارلة من مواقف اليوم
سولفو عن مواقف ايام العزوبية
ومن الخرطي لما ينفقع راسة
بس ......اذا كانت على هذي ....قبل تطلعون تذكري وسجلي بورقة علشان متنسين
وعبي راسة لما يقول خلاص سكتي

والله حاله الله يصبرنا ويغيرنا من ذا الطبع ..
لكن وشالسواةة.....

أختي إللي في بالي ولا على بالو خخخ <<< يالله ثقالت الدم

الموهم أختي إنتي الحين تكتبين في المنتدى وعندك إنترنت !!

يعني شوفي لك كم موضوع يحبه ودوري في النت على معلومات عنه وناقشيه فيه

الحمدلله كل شي في النت موجود ... جيبي له أخبار من المجلس العام

شوفي مواقع الجرايد الرسميه إللي عندكم واقريها وشوفي لك كم من خبر تتناقشون فيه

أهم شي يحس إنك ماشيه وعارفه شو يصير في العالم مايبيلها شي

الله يوفقك يارب ..