زوجي بعد ما مدحته جرحني

السلام عليكم



احس بطفش وودي افضفض تصدقون مالي الا شوي صاحية من النوم صرت انا وزوجي عكس بعض انا اذا نمت هو يصحى واليا صحيت نام



زهقت من ذا الروتين الممل ماعاد اشوفه واجلس معه الا على الغدا وبعدين نوم ونت طفشت من التلفزيون طفشت من القعدة لحالي



الليلة نكد علي قبل لا انام يقول عني تافهه عشاني اقوله يجلس معي وينظم وقت نومه التناقش معه ماله فايده بس حرق اعصاب



كم نصيحة قريتها في النت انه اذا كان زوجك مقصر بشي امدحيه في نفس الشي عشان يتعدل



فقلت في نفسي بمدحه فقلت له تدري وش اتمنى قال ايش قلت اتمنى اقرأ شعرك احسك رومانسي بس ماتعبر قال انا اعرف انتي وش تبين انتي تبيني خاتم بيدك

فقلت له فلان انت ليه غامض انا احترت فيك معرف انت وش تبي فقال بالعكس انا اوضح من الوضوح بس انتي تافهه

وتحبين تكبرين المواضيع وقام وخلاني مقهورة ونمت وانا مجروحه .