زوجي بغى يتزوج علي

مدري كيف ابدا احسني ضايعه مقهوره مجروحه  زوجي ملتزم جدا ويعمل مدير لمكتب الدعوه و رئيس لبعض الجمعيات الخيريه طيب وحنون علي وعلى اعياله مدخل بيتنا الحرام زوجي مكتفي بي لان همه الدعوه ولاهو فاضي يااما مسافر يااماطالع بر ويا اصحابه يعني مايجلس عندي بالمره ولايسهر معي ولانطلع نتمشى مع بعض  كل ما اقول طلعني مشني ابد ماهو فاضي لي طبعا مايمدحني  ابد بالايام الاخيره زوجي تغير مصمم ازوج بنتي اول ثنوي وكل شوي يقول نادي ولد اختك او انا ازوجها على كيفي انا افكر من كثر ماهو يسمع بالفتن قلت خاف على بناته  يوم شاف مافيه امل ازوجها جاني وقال  ابغى اتزوج انهرت وانجنيت وصحت  وتهاوشت انا وياه وبعد هوش قال خلاص انا بطلت طبعا سكت فتره بس ماياكل ولايشرب معنا والجلوس اكيد متعودت يجلس معي وانمرض وصار يصيح مثل الطفل طبعا زوجي وخفت عليه  وكنت اقرى عليه رقيه وقال لا ما احتاج رقيه هنا سالته قلت همك الزواج قال ايه سكت شوي قلت اذا تزوجت ترتاح قال ايه قلت خلاص تزوج وفرح وشكرني بس هو هو ماتغير انا هنا قلت استغل الوقت وسويت نفسي  موافقه وقلت انا اخطب لك قال لا قلت طيب بنفسك وحده سكت  واخذت وقت والاطفه ومره  سمعته يسال ولده لو احضر رقم صاحب الرقم يدري انه محضور  قال ولدي ايه قصده الواتس اب  عرفت انه وحده وهنا شوي شوي قمت اساله قلت انت مانت حاط وحده براسك تخطبها قال ماتزعلين قلت لا ليش ازعل وانا موافقه قال ايه قلت كيف عرفتها ومن علمك بيها قال انا اقولك هذي راسلتني بالواتس تطلب ادور لها زوج مطلقه  وعمرها 31  وتراسله كم شهر تطلبه يدور لها بعدها قالت انا ابغاك انت وجلست تستعطفه وتعلمه انها مطلقه من شايب وانه خبيث واقشر عليها وان ماساعدها مااحد يساعدها وان ابوها الي مطلق امها راح يرجعها لشايب  وشوي شوي زوجي مال معها   اللحين ابغى منكن حل  وش اسوي  مالقيت لها اسم بالنبر بوك  علموني وش اسوي هي حطت فكرة الزواج براس زوجي  الحين بعد اربع ايام ابغى اروح لبيت اخوي لان مالي ام واب   بس من عندها خطه لي انا مت قهر والله العضيم