زوجي بهذلني

انا تعبانه نفسيا وجسديا وكل شي فيني تعبان زوجي ماادري اش اسويله بس يغلط علي وينرفزني بكلامه وانا معد اتحمل والله مايراضيني يخليني بقهري من ثلاث ايام على ذا الحال وبس ابكي وغصه وحرقه توجعني وعندي غده واتعالج سويت تحليل طلع نفس الاول فيها كسل ودبلو العلاج لي وهو مو حاس بشي والله ودي ارجع زمان بخير ومافيني شي كل كلمه والثانيه يقول انتي ماعندك الا ولد وانا صارلي 9 سنوات متزوجه وولدي صغير بس انقهرت ليش يسوي فيني كذا هذا الشي من ربي واصلن هو معد يقرب مني كثير الا اوقات انا اكون تعبانه ولا مو فايقه مايعرف يختار الاوقات المناسبه على طول عندي صداع ودوخه من قلة النوم بس ابكي وابكي وابكي لمتى والله ذا الشي مو بكيفي غصب عني دموعي تنهدر والغصه تذبحني حرمني من اهلي مايسفرني لهم عشان امه ماتزعل ماصرنا نخرج من بيتنا ابد والله العظيم اتمنى اطلع اتمشى وانبسط وش بيصير يعني لو خلاني اطلع والعب ولدي ف الملاهي حتى هو يبغى يطلع مو بس انا سويت كل شي ولانفع فيه قبل شوي رحت عنده قلت اذا انا غلطت عليك بشي علمني وانا اللحين بعتذر بس مارد علي ماعنده جواب مايدري وش يقول لان مافي شي اصلن وطلعت من الغرفه مقهوره والله لمتى بعيش كذا في هم وغم وامثل اني مبسوطه ولابيننا شي انا وزوجي مااقول لاحد ابد
والله ودي احس اني فرحانه يوم من الايام ولااطلع مبسوطه لازم يصير شي سبحان الله والله قاعده اكتبلكم وانا ابكي بالقوه اشوف الحروف ف الكيبورد
ويمدح حريم اخوانه يقول اخوانه مبسوطين مايشتكون من شي قلتله اكيد مابيتكلمون والبيوت اسرار قال لا احس مافي احد مثلي طيب ليه انا ماسويت شي والله محترمته ومهتمه في نفسي ودايم اطبخ مانعرف اكل المطاعم ويقول انهم احسن مني اصلن هم عايشين بمشاكل انا اعرف حريمهم وهو على باله مبسوطين لكن بإذن الله ربي يفرجها علي
والله نفسي احمل ويثبت حملي لاني حملت وسقطت بس يعايرني ويشوف الناس احسن منا وهو على ولد واحد يتضايق لو طلعنا المستشفى اصلن مااطلع من البيت الا له مااروح لاي مكان ثاني
اصلا زمان كنا نروح مطاعم ومنتزهات بس يوم سكنا عند امه ماصار يطلعنا مايبغى
يارب اسألك ان تشفيني وتفرجها علي ادعولي تكفون فضفضت ولاارتحت بس ابكي ولدي يطالع فيني مستغرب ماودي ابكي قدامه بس والله مااقدر واحس بدوخه وغثيان من قلة الراحه