ريحانه الواعده :

عندي بعض النقاط بوضحهم لك ... اولا ... شو يعني يحبك؟؟؟ اصحي من وهم ان الرجال يحب ... الرجال ما يحبوا الا نفسهم. لو جد يحبك من قلبه ما راح يكسر خاطرك ... حتى لو قالوا قلب الرجال يحب كم وحده ... ما يحب الا نفسه و حبه ما في قلبه مثل المرأه ... حبه بين افخاذه و يعطيه الاولويه حتى لو بالحرام .. مع اعتذاري للشفافيه.. و شوفي الرجال اللي يمشوا بالحرام هل يحبوهن ... هم اصلا ما يعرفوهن و لا راح يشوفوهن بعدين ... بس يقدسوا الفراش مثنى و ثلاث و رباع و لو المجال مفتوح كان تمنوا يناموا مع كل نساء الكون. ثانيا .... تسألي بيتغير؟؟ جوابي .. طبعا ايوه ما اتكلم عن معاملته و بس ... اتكلم عن رجال طول يومه و حياته و مصروفه و حتى مشاعره لك ... الحين كل هذا بيكون مقسوم ع اثنين ... يا بنت حتى اللبس اللي تلبسيه او اللقمه اللي تأكليها ملزوم يجيبلها زيها او ما يوازيها ... فيه انسانه راح تشاركك بحياتك و زوجك .... تتوقعي ما فيه تغيير؟؟؟ التغيير حاصل حاصل ... و كلامي مش عشان اجرحك او اقسى عليك لكن تكوني بالامر الواقع و ع بينه من حصوله قبل ما تنصدمي . ثالثا ... ارمله و يتزوجها اجر فيها و في عيالها ؟؟؟ صدقتي الكلام؟؟ عزيزتي ممكن يأخذ اجر بدون ما يتزوجها ... و لو عندها عشر عيال هو ما ملزوم فيهم. هم ما مشكلته ... المفروض و الاولى انه يحافظ ع بيته و عياله من الخراب بدل يعمر بيت و عيال وحده ثانيه الا اذا هو واثق فعلا انه راح يقنعك او يمشي رايه عليك . رابعا ... طبيعي يتصل فيك و يقولك ما بيتغير!! معنى كلامه انثبري و لا توقفي عقبه في طريق تحقيق مشروعه بالزواج من هذي المرأه ... و بيحلفلك انه ما يتغير ... و انتي صدقتي حلقته كأن اسمه متبوع بكلمه عليه الصلاه و السلام استغفر الله ... يا عزيزتي هو حاليا يقدم وعود لانه طمعان بشئ و يريده يتحقق و بس .. و حتى لو كان كاذب ... الرجال يعتبروا ان الكذب ع الزوجه في سبيل ان الحياه تمشي يعتبر حلال ... المهم و خلاصه كلامي ... بدون زعل مني و بدون هجوم العضوات اللي ما راح يعجبهم الكلام ... بس هذا رأيي و ما برد ع اي تعليق ... خيريه ... يا انتي يا هي قوليله ما شفت اي سبب يخليك تتزوج او ترتبط و اسبابك غير مقنعه. هدديه بالطلاق ... و لو اصر اطلقي و ارمي عياله و بيته في وجهه .. خلي الارمله تأخذ اجر فيهم مثل ما هو اخذ اجر بعيالها... لا تعيشيه ابدا في منطقه الامان اللي هو عايش فيها و معتمد ع انك بتنكتمي و تأكلي بنفسك و هو بيسوي اللي يريده .. و لو نفسك تكملي معاه لازم تحطي ببالك ان كل اللي ذكرته وارد بحياتك و انتي موافقه عليه ... يعني ما فيه مجال للشكوى بعدين... هو اختار حياته بالشكل اللي يرضيه ... الحين دورك تختاري حياتك ... قبل انهي كلامي ... استخيري و استشيري ... و الله يوفقك.

عندي بعض النقاط بوضحهم لك ... اولا ... شو يعني يحبك؟؟؟ اصحي من وهم ان الرجال يحب ... الرجال ما...