زوجي بيتزوج👏

صار لي توقعته من زوجي وهي انه بيتزوج الثالثة
امس كلمني وقالي خلاص انه بيتزوج بعد العيد
طبعا مهيأة نفسي لهذي الصدمة من زمان لانه من زمان يحاول يخطب بس مافي احد يرضا فيه من الجماعة
خطب وحدة مطلقة عمرها ٢٧ سنة عن طريق خطابة وبيتزوجها بعد العيد
طبعا لا رح يسوي حفلة ولا شي بس بيسافر شهر عسل هو وياها برا المملكة اسبوعين
على قوله انه كان متواصل معاها بفترة خطوبة من شهر على قوله يتعرف على اخلاقها وتتعرف على اخلاقه وزبط كل الامور وزبط لها شقة واثثها على الاخر وجا يخبرنا انا والاولى واهله
مدري شوي اتضايق وانقهر وشوي احمد ربي على كل حال
بس لي قهرني اكثر انه بيعطي الاولى رضوة ٥٠ الف ريال وعدا ان الفيلا لي ساكنة فيها ب اسمها هي وبناتها وعارفة بكل فلوسه وخيره ومع العلم انها منفصلة عنه عاطفيا
وانا مارح يعطيني شي بس طقم دهب ب ٥٠٠٠ الاف ريال
مع اني طالبت بحقي رضوة مثلها ٥٠ الف ريال وعصب قالي لا تقارني نفسك فيها ذيك اولى وام بناتي ولها قدرها عندي
قلت له وانا بعد ام ابنك ولا ايش مالي قدر عندك
قالي ايوة انا عارف وانتي بعيوني انتي والولد ومارح اقصر كل شهر بعطيكي مصروف ومارح اقصر بالبيت
بعد جدال قالي خلاص وعد بسجلك الشقة لي انتي فيها ب اسمك ولاتخافين مارح اتخلى عنك ولا عن ابني وبعدل
صممت عليه يعطيني رضوة مو راضي ابدا وجا يثقل دمه يقولي رضوتك هي انا 😷😷😷
وبالاخر استقر ووعد يلتزم بمبلغ شهري ١٥٠٠ ريال يحوله لبطاقتي كل شهر
الحين قاعد يجهز نفسه للعروس الجديدة الله يستر منها بس ويكفيني انا وابني خيرها وشرها لانه شقتها قريبة من شقتي اما الاولى بعيدة عن كل الضرب وساكنة بعيد عن الكل