زوجي بيتزوج علي ثانيه

السسلام عليكم يا اخوات..
مالي نفس اكتب لكم مشواري الطويل مع تأخر الحمل عندي ضعف تبويض وتكيس والدوره ملخبطه راجعت ولا صار حمل طبعا زوجي سليم
والآن قرر يتزوج لان ابوه واهله واخواته يبون يشوفون عياله الي ما قدرت اجيبهم له💔
انا مشاعري تجمدت وابشركم معاد احس لان الاحساس عندي انتهى خلاص احس اي شي بالحياه معاد له طعم كل فلوسي وذهبي راحو على المراجعات والتجارب والنهايه ماحملت وهذا قضاء الله وقدره والحمد لله من قبل ومن بعد ..
لكن سؤالي لكم
( هل اطلب الطلاق منه والا ابقى زوجه اولى مجهوله المصير)
انا متأكده انه اذا تزوج وجاه عيال بينسى اسمي
لانه يموت بالاطفال
اه يابنات قد ايش انا مقهوره في هذه اللحظه انا احس بالعجز احس ماني انثى كامله
كل شي بحياتي ماله طعم لا طلعه ولا كشخه ولا مناسبه مراح يحس بوضعي الا الي عاشت تجربتي قلبي يعورني من البكاء والله العظيم اذا جيت بتنفس احس بألام من كثر ما ابكي ، ما اعرف ايش اسوي علشان كذا جاوبوني هل ابقى عنده اذا تزوج هل بقدر اتحمل الثانيه والا لا انا ما اقدر اجاوب نفسي لاني في حاله لا يعلم بها الا الذي خلقني ،، لاتنسوني من دعواتكم