زوجي بيتزوج علي لانا خلفتي بنات>>استوفي الردود

سلام عليكم
الحمدالله قبلو تسجيلي بسرعه محتاجه لنصايحكم
والله ماسجلت في الموقع الا عشان اكتب مشكلتي لو كنتو مكاني كيف تتصرفون
زوجي بيتزوج علي لاني انجبت له بنات وياليت هالشي منه لا من خواته دخلو هالفكره في رأسه
زوجي صديق اخوي ومن تزوجت لاحظت انا خواته مايبوني وماكانو موافقين اخوهم يخطبني مع اني ما اعرفهم ومن عايله ثانيه ولا يعرفونا صبرت على اذية خواته وامه كانت طيبه معاي وتحبني وكنت ازور اهله واتحمل غثى خواته واحتقارهم لي بس عشان امه وابوه ازورهم
يعاملون بناتي معامله جافه ويفرقون بينهم وبين الاولاد ودايم يكسرون بخاطرهم وانا صابره على هالشي
دخلو فكره الزواج في رأس زوجي مع انه ماكان يفكر بالزواج ويحبني ويحب بناته بس امه كانت معارضه زواجه وقالت بتتزوج لانت ولدي ولا اعرفك ام بناتك ماشفنا منها الا كل خير
توفت ام زوجي من 3 شهور ورجع لنفس الموضوع افتكو من الي كانت معارضه وبيزوجون اخوهم عشان يكسرون قلبي
انا رفضت وقلت لها بتتزوج طلقني ما اعيش مع ضره كلمت اخوي وعصب وحاول يتفاهم معاه وكلمه قاله ابيك تروح معاي لدكتور واذا قال انا تحديد جنس الجنين من الزوجه والله العظيم تكاليف زواجك كله علي واختي الي تخطب لك زوجي رفض والحين علاقته مع اخوي مو كويسه
المشكله بعد نبني بيت العمر والارض ارضي وبيسكن زوجته الثانيه معاي في الدور الثاني

اخواني واقفين معاي وقالو اذا تزوج لا تبغين معاه وارضك غصب عليه بيرجعها لك وخواتي يقولون لي صبري لا تخلين خواته يفرحون عليك ويتشمتون فيك صبرتي كل هالسنين صبري بعد وانا ما اتخيل نفسي مع ضره واسكن في نفس البيت
زوجي مايبي يخطب الا برضاي يحاول فيني اوافق وانا قلت له تخطب ورقتي توصل لي مايبي يبعد عن بناته ويقول انه يحبني ويبيني
نفسيتي تعبانه لا نوم زين ولا اكل زين ولا اكلم زوجي حتى بناتي تأثروا تقولي بنتي بابا مايحبنا يحب الاولاد هالكلام من عمتها حسبي الله عليها قالت لها ابوك بيتزوج عشان تجيب له زوجته ولد انتو بنات
اصر على طلاقي واخليه يتزوج او اصبر عشان بناتي
نصيحه بناااات لا تساعدون الرجال بأي مبلغ والله مايستاهلون شي مهما كان طيب زوجي وحبه لي وعشره العمر وابي اسوي خير واخليه يبني في ارضي وفي النهاية بيتزوج حسبي الله على خواته
ليتني خليت الارض لبناتي احسن