بناتي نووور حياتي :

افهموني بنات والله انا ماحطيت السبب في خواته ولا اتهمتهم بشي الا وانا متأكده مليون بالميه انهم ورا فكره تزويج اخوهم اخته قالت لي بنفسها وزوجي قال لي وصارت مشكله وانا موجوده في بيتهم وامهم الله يرحمها هاوشت بناتها لا يدخلون في حياة اخوهم ولا يخربونها و هاوشت زوجي بعد لا يسمع كلام خواته قبل ماتتوفى ام زوجي الله يرحمها بفتره متصله جارتهم على ام زوجي تخطب بنتي جات عندنا وهاوشت ولدها تقوله بنتك صارت على زواج وتنخطب وانت تبي تتزوج واذا سالو الناس نقول تزوج يبي ولد تفشلنا مع الناس ام زوجي هي الي مريحتني وتبرد الجمره الي في قلبي على بناتها وعلى زوجي ولو كان في باله الزواج كان من البدايه بنى البيت على اساس ثنتين يسكنون فيه مو يبنيه مثل ما ابي وانا والتخطيط الي ابيه وبعد ماحطو فكرة الزواج في باله بيدل وبيغير في الدور الثاني وبيحجزه لزوجته الثانيه تكلمت مع زوجي وتفاهمت معاه يقولي لمتى بنضل على هالوضع قلت له لين تشيل فكرة الزواج من بالك قالي ماتفهمين انتي بتزوج قلت له تزوج وطلقني قالي الشرع حلل اربع وقلت له والشرع حلل الطلاق اذا الزوجه ماتقدر تعيش مع زوجها قلت له انت واثق اذا تزوجت زوجتك بجيب لك ولد قالي ماتدرين يمكن حكمه من رب العالمين زوجتي الاولى بنات والثانيه اجيب منها ولد ويكون عزوه وسند لي ولبناتي قلت له هم انا من حقي يجيني اولاد قالي مافهمت قلت له اذا طلقتني اتزوج ويجيني ولد انت يمكن ماتجيب الا بنات عصب علي وقام يصارخ ويسب لدرجه من صراخه جلست بنتي خايفه .. مسكين جرحت مشاعره الاناني لاني قلت بتزوج اذا طلقتني وهو ذابحني بزواجه الثاني عادي ماعندي مشاعر ولا احساس قلت له سو الي تبي تزوجت بطلقني ما ابيك قالي وبناتي قلت له تبيهم خذهم عادي عندي يقولي اخذهم عشان يصفى لك الجو ودورين لي على رجال قلت له بكل برود اي بدور لي وبتزوج اذا طلقتني لا تفكر بعيش على ذكراك وبناتك خذهم تربيهم الي بجيب لك ولد خليته يعصب لدرجه قام بيمد يده علي بس عشان بنتي ما مد يده قالي والحل قلت له الحل عندك تشيل فكرة الزواج من بالك ونحاول ونعمل بالاسباب وان شاء الله ربي يرزقنا بولد قالي مثل ماسوينا وجاى لنا تؤم بنات قلت له هالشي بيد رب العالمين والي ربي كاتبه بيصير تفائل وان شاء الله ربي يرزقنا بولد قالي بفكر وبكلم خواتي .. قلت له رجال طول وعرض وشورك عند خواتك وقمت عنه النقاش معاه يجيب المرض اذا مارضى نحاول عشان اجيب ولد مع اني قلت بوقف حمل لين تدخل بنتي الروضه بس بطلت وبحمل مافي الا طلاق حسبي الله عليه ننتظر قراره وان شاء الله يرضى دعواتكم خواتي لي ربي يهدي زوجي ويشيل فكرة الزواج من باله

افهموني بنات والله انا ماحطيت السبب في خواته ولا اتهمتهم بشي الا وانا متأكده مليون بالميه انهم...

حـلا :

الحمدلله قلتي له كل اللي بخاطري بس ماقلتي ل كلامي له؟ ارسلي له ان الرجل هو السبب بتحديد الجنس خصوصا لو كان عنده لزوجه ..وشي ثاني نسيت شهو وقوليله انا عارفه انك رجال وشيخ الرجال والرجال اللي يمشي ورى شور خواته وماعنده كلمه وش يكون؟ اتمنى انك ماتكون من هالنوع... ابيك ترجع مثل اول انا بعطيك فرصه بشرط ماتدخل احد بخصوصيـاتنا ولا حياتنا تضيع زوجت وبيتك وعيالك عشان خواتك اللي كل وحده همها بيتها ويبون يقهروني لانهم ماخطبوني لك هذي جزاتي اصبر واتحمل لو وحده غيري طلبت الطلاق من زمان وتزوجت واحد خلفته اولاد بس انا صابره عليك وبحاول معك نسوي تلقيح مجهري وتحديد جنس الجنين وتقدر تسأل الدكتور بنفسك منهو اللي يحدد جنس الجنين وبياكدلك انه انت واذا مصر عالزواج .. فـ انا بعد مصره عالطلاق وبناتك برميهم عليك وبعيش شهر العسل وبجيب اولاد يشيلوني واعتمد عليهم.. طبعا هالكلام بالواتس اكتبيه خليه يحس انك بايعه وانك ممكن تضيعين منه لاتزوج عليك .. ونفس الوقت بيحس بشعورك ... وخواته ان ماتركوك بحالك اخذي ارقام ازواجهم واخطبيلهم حريم لين تركب الفكره براسهم قريت مشكله لوحده هنا اخت زوجها رسلت صوره وحده مزيونه تبي تزوجها لاخوها غصب وقامت الزوجه وارسلت صوره البنت لزوج حماتها وتزوجها زوج حماتها واستخفت اخت زوجها هههههههههه

الحمدلله قلتي له كل اللي بخاطري بس ماقلتي ل كلامي له؟ ارسلي له ان الرجل هو السبب بتحديد الجنس...

حكاية احساااااس :

الله يسر امرك ويفرج همك ويرزقك الولد الصالح من غير حول منك ولا قوه ويهدي زوجك ويصلح مابينكم ويكفيكم شر كل من ارادكم بشر بس برافو عليك عرفتيه قدره يستاهل خليه يموت قهر وربي الرجال مايبي الا القويه الي توقفه عند حده

الله يسر امرك ويفرج همك ويرزقك الولد الصالح من غير حول منك ولا قوه ويهدي زوجك ويصلح مابينكم...