اختي لاتتطلقين
ولا توافقين
انتي خليك رافضه بس طلاق لا
الله يهديكم ياللي تقولون ازعلي وهدديه ورحي لاهلك واطلبي ورقتك
غلط كذا راح يعند ويطلق
هي تجلس ببيتها هذا بيتها وبيت بناتها
الارض ارضها تطلع من بيتها وحلالها لااااا انتبهو فلوسها تجلس فيه وحده غيرها لا
الطلاق ممنوع مرفوض كل من يبي يتزوج عليها زوجها اطلب الطلاق امهاتنا منول تحملوا وصبروا عشان عيالها وعشان يحسون انهم باسره مكون من ام واب
زوجك خواته حلوا الزواج بعيونه ماقال له عشان الولد تلقين يمدحون له حاريم ويذكرون له صفات حاريم جسم شعر وكذا تاخذ لك وحده صفاتها كذا وكذا تدلعك وتغنجك اخر شي قالوله وتجيب لك ولد هوووو طاير بالعجه يبي يجرب ويرجع يتزوج جديده ويرجع ذكريات قبل اول زواجه بك وقالها علثه عشان ولد وهو كذاب
بس صدقيني راااااح يتووورط لو تزوج تروح السكره وتجي الفكره اذا شبع وحملت الثانيه وجابت له بنت وصارت زيك مو جديده صارت ام راح يتووورط ويبتلش ببيتين ويتحسف على حياته الاولى
كثير اعرفهم صار لهم كذا لدرجة ظلم الثانيه بسبب حيوانته
اطلع من بيتي عشان يجيب زوجته فيه معصي
حقي بيتي اخذه منه خلي خواته يجيبون له بيت هماه يبي يزوجونه خلاص البيت بيتي رح جب لها بيت ثاني بيتي ذا دام الارض ارضي
واذا رفض خوذيها من عيونه بس لاتطلبين الطلاق عشان بناتك ولا تطرين الطلاق ابد بس خوذي حقك ارضك خلي اخوانك ياخذون حقك كيفه رح تزوج الله لايوفقك
بس حقي ماتجلس فيه زوجتك
اقعد ببيتي ماطلع منه انت تطلع منه


لذا ياختي لاتحرمين بناتك ان ابوهم يدخل عليكم
قولي لبناتك ابوكم يبي ولد تزوج ثانيه بس لاتقولين يكرهكم لاتكرهين البنات بابوهم عشان نفسك
انتي تبنين بقلوب بناتك كرهه ابوهم وكانك تعلمينهن كيف يعقون ابوهم كذا تعلمينهم كيف يكونون عاقات لابوهم
انا ماقولك حببيهم بابوهم ولا كرهيهم فيه
بس حاولي ماتتكلمين عن ابوهم بشينه ولا بزينه اسكتي
حاولي تطلعينه من قلبك وتشغلين نفسك بحب نفسك وبناتك اعتبريه عم خال لا تتعلقين فيه خليك عاديه


وخواته تحسبي عليهن ولا تعامليهن الا باخلاقك الحسنه
خليهم يكيدون لك بس لاتكيدين لهم ولا يسمعون لك كلام طنشيهم ورددي
اللهم رد كيدهن في نحورهن اشد الرد
اللهم اشغلهن بانفسهن


كلامي ذا ماجبته من خيالي لا والله كلامي ذا اخذته من تجربة قريبه لي
كل خلفتها بنات وهي انسانه طيبه حنونه عسل وزوجها نفسيه شايف بنفسه شوفه مع ان فضلته ماتوكل استغفرالله قبح العالم فيه ومسوي نفسه شامي وزوجته حاطته ملك تحبه وكلمته مسموعه بسبب زوجته ومعاملتها له بحب وطيبه شاف نفسه يحسبه مزيون الله يخلف
ووحده من خواته ماعجبها حال اخوها مع زوجته انهم مرتاحين صارت تزن عليه تزوج وتحلي بعيونه الحاريم تزوج خذ له وحده تجيب لك عيال ذي ماتجيب لك الا البنات المشكله اخته ذي كل خلفتها بنات ماعندها الا ولد وشافت نفسها انها جايبه دسته اولاد
المسكينه مابيدها غير تدعي عليها ان الله يشغلها بنفسها
ويبعدها عنهم
العمه حملت وجابت بنت جاء زوج هالعمه وقال انا واحد ابي ذريه ابي عيااااااال مابيك توقفين ابي عيال يشيلون اسمي قالت له تعبت من الحمل والولاده قال خلااااص كثر الله خيرك يا ام فلان خلاص ارتاحي ماقصرتي اجيب لي بنت ترص لي عيال انتي ماقصرتي
انهبلتتتتت العمه وصارت تحمل ورى بعض وهي عندها بنات كبار بوجهه زواج تبي تجيب له اولاد صار عندها ولدين وسبع بنات وزوجها يزن عليها
انشغلت عن اخوها بزوجها وبنفسها وبتعب الحمل والولاده وبالاطفال اللي ورى بعض ازعاج وصياح


بعد كم سنه تزوج اخوها لانه خلاص علق براسه الزواج اخذ وحده مطلقه عندها اولاد بس جلس معها سنه وطلقها ماحملت منه اصلا الله عزوجل من اخذ الثانيه جاه ضعف مايقدر يقرب للثانيه يعني مايقدر يسوي علاقه لانه مايصير المطلوب عشان يلمسها
ويبي يتاكد ليش يروح لزوجته الاولى ويصير مع زوجته عادي تصير علاقه ولا فيه مشاكل ويروح من بكرا للثانيه بس مايقدر يسوي ودي افهمكم بس عجزت اشرح


جلس سنه مالمس الثانيه وطلقها
ورجع لزوجته
الحمدلله ان الثانيه حرمه كبيره مو بنت وعندها اربع اولاد وموظفه شايله نفسها وعيالها وهي اصلا واضح انها حرمه قويه وسنعه مو زي قريبتي منكسره ضعيفه


لذا الله اخذ حق هالمظلومه من زوجها واخته


لذا خليك لاتطلبين الطلاق ولا تسمحين له يقعدها ببيتك ولا وهو اللي يطلع من بيتك مو انتي انتبهي

قولي له اكتب الارض او نص العماره باسمي وتزوج الله يسهل لك مادام بيتزوج يقول شرع ربي طيب شرع ربي يقول لك رد فلوسي او اكتب العماره باسمي لاتسرق فلوسي وارضي وزوجك حاط الزواج براسه حتى لو جبتي له عشر عيال وياليت خواته يتزوج عليهم رجالهم بثانيه وثالثه ونصيحة للبنات لاتتنازلين لزوجك بشي الا بعقود ومواثيق مافيه زوج حبوب ومسكين شي لك يستمر لك ماتضمنين نفسك وقلبك كيف إذن زوجك وسبحان مقلب القلوب

كم بنت عندك

وعليكم السلام. قولي لزوجك انا كمان نفسي في ولد نعمل طفل أنابيب ونحدد جنس الجنين لعل الله يرزقني وياك الذكر اما انت تبحث عن الولد وانا لا حرام وانا ودي سند لخواته مني ولا تتنازلي عن حقك في الطفل الذكر .اما الطلاق يا أختي لاتكوني انانيه عشانه هو تخربين حياتك وحياة بناتك انظري للمستقبل كيف تزوجين بناتك اذا كانت الاسره مفككه خليك في بيتك ًواذا ماعمل طفل أنابيب لكل حادث حديث الارض باسمك لاتتركيها لهم واسكني البيت الجديد واطرديه من حياتك ولا اتركيه بارد مبرد للجديده واخواته خليك نغصه بحلقه بعدين ايش دراك انها راح تجيب له ولد الله يوفقك ويسدد خطاكي بناتك امانه

تتركيه