زوجي بيتزوج علي والسبب😰😰

السلام عليكم بنات
انا قبل فتره طويله كتبت لكم عن مشاكلي مع زوجي
وكيف انه تغير علي فجأه صار يشك فيني ويضربني ورحت لاهلي لي تقريبا سنه وهو يجي ويروح لنا عند اهلي. ورافض أني ارجع معه لبيتي يقول بيتك مثل ماطلعتي منه وانا أترجاك معاد لك رجعه
قصتي كامله في ملفي اقروها،،،
المهم الحين
تغير وضعي الان
كلمته امي قالت انت الحين مابينكم شي. ووضعكم تمام
رجعها لبيتها خصوصا معي 4 اطفال
قال والله مستحيل ترجع. وإذا لزم الامر اخذت عيالي وهي لا...للحين حاقد
قالت امي خلاص خذ لهم بيت بديرتنا
وفعلا اخذ لي بيت عند اهلي
وهو مقر عمله يبعد عن 4 ساعات ويجي كل ويكند بس ثم يرجع لعمله
وكل شوي يطري انه بتزوج
اول شي ماصدقته
بعدين يقول ترا لاتنصدمين. ترا من الحين اعلمك بتزوج ولا لاحد دخل في زواج انا من قراره نفسي
وانتي بتصبرين على عيالك وبيتك حياك
تهاوشت انا وياه قال للحين ماصار شي.
وكل شوي. يردد ماحد يقدر يردني. انتي الحين ببيت وعند عيالك. حااقد
وإذا قلت له شي. قال ماحد قالك اطلعي من بيتك زمان
تحملي. طلعتي برضاك
يبي يقهرني
قلت انت تبي تقهرني والخطأ خطاك. انا ماطلعت الا لما مديت يدك علي وانا حامل
قال انا اعتذرت منك وانتي رفضتي وطلعتي غصبا عني
وانا ماسويت شي حرام. لازم اتزوج
يابنات قهرني خرب فرحتي بنجاحي بقياس وفرحتي بااستقراري انا واولادي.
قلت له ترا انا تحملتك على كل شي. ضرب وشك وقذف واهانات. والحين جاي تجازيني بالزواج علي
قلت له ترا اذا تزوجت بحذف عيالك عليك
وانا بتزوج اللي يقدرني ويحترمني
وقلت له ترا ماناقصني شي. جميله واخلاق وجسم ودلوعه
كلن يتماناني. وانا بنفسي والله من الخرطي ههههههه
بس اعلمه أني واثقه بنفسي
قال منتي محصله الا شايب. يتهزا
قلت شايب يقدرني ويحترمني مو مثلك
يابنات. هو الان جاي بالطريق.
وش السواه. وانا قلبي له اسبوع وهو يقرقرع. استغفرت وصليت وبكيت على سجادتي. ان الله ينزل السكينه على قلبي عجزت اتحمل
وهو كلام وشلون لو حقيقه
يمكن انهبل. انا احبه وهو يحبني. يوم طلعت من عنده زمان دق يبكي علي
الحين اشوى من زمان خُف شك وخلاني على راحتي بس يفكر بالزواج. 😰😰😰
اذا جاء شوي وش اقوله. عطوني حلول يالحكيمات