شوفي اختي بقول رايي وخذي اللي يعجبك منه

من قالك انك ضيعتي عشر سنين على الفاضي انتي بهالسنوات كنتي متزوجه وشوفي المنتدى كثير يحلمون يتزوجون وصرتي ام وبعد كثير يتمناها وكملتي دراسه غيرك قعدت بالبيت كل هذا تقولين سنينك ضاعت !!!
بالنسبه للطب يمكن مالك نصيب فيه انا جبت 98% واجتزت الامتحانات النظريه والعمليه والمقابله وفي الاخير ماطلع اسمي ولما كلمتهم اقسم بالله المسؤله قالتلي معك واسطه :o يعني يمكن لو وافق وكل شي ماتدخلينه لان مالك نصيب فيه فخلاص اللي فات مات وحتى لو دخليته يمكن ترسبين ويفصلونك لانه دوام من الصبح الى الساعه خمسه وكرف ومذاكره وماتقدرين توفقين فربي رحمك وزوجك كان مجرد سبب
بالنسبه انه يبي يتزوج خليه بكيفه
خليك انتي مع بناتك حرام صغار مره ليه تبهدليهم تحملي
والا اقولك سايريه يمكن يعدل عن رايه قوليله الحمل الجاي بروح لدكتوره واسوي برنامج يساعدني باذن الله اجيب ولد
وهو بيسكت ويحلها الحلال بعدين
انصحك لاتجادلين كثير معه
ولاتقولين عنده خلاص ماراح اجيب عيال ومن هالكلام خليه بقلبك ماتستفدين شي غير المشاكل
اقتنع وصبر كان بها اصر على رايه مالك الا تطلبين حقوقك وحقوق بناتك كامله ماديا وليله وغيره
بس حرام تطلقين فكري في حياتك بعدين
لاحظي انك مو موظفه وبترجعين لاهلك معك اربع بنات يعني حمل وعبء بيجاملونك في البدايه بعدين كلن نفسي نفسي
هذا غير بهدلة بناتك حرام توهم صغار
اذا تبين تعيشين سعيده لاتفكرين باللي فات خلاص الماضي انتهى والسنين مستحيل ترجع عيشي يومك وخلاص
الله يوفقك لما يحب ويرضى

اول شي حابة اقلك ان التوفيق والسعادة والراحة ابدا مو مقرونة بالزوج
او الاطفال او الوظيفة
واضح من كلامك انك بعيدة شوي عن ربي <<لاتزعلين هذا اللي فهمته

ثانيا..كتبتي عبارة قهرتني جدا

قمة الجحود لنعمة ربي
كيف تقولين ما حققتي شي وانتي عندك اربعه اطفال وتزوجتي في سن صغير كل البنات
يتمنون يتزوجون فيه وزوجك مو سكير ولا عربيد وموفر لك سواق وشغالة ووو
استغفري الله من كلمتك واشكريه على نعمه يزيدك ( لئن شكرتم لازيدنكم)

تذكري ان فيه كثير بنات وما فيهم شي يعيبهم والى الان ما تزوجوا ويتمنون نص رجال
زي زوجك
تذكري كم عقيمة تتمنى تضم طفل واحد مو اربعة
تذكري كم زوجة صابرة على زوج مدمن وسيء خلق عشان اطفالها
شوفي الناس حولك وشوفي النعمة اللي انتي فيها

لاتزعلين من كلامي ووالله اني نصحتك زي ما انصح اختي بالضبط وترى كفران النعمة عواقبة وخيمة

الله يوفقك
بقولك شئ بس لاتزعلين

مدري ليش أحس أنك تفتقدين لراحة البال بشكل كبير رغم أن غيرك يعيشون بظروف صعبه جدا أصعب من ظروفك ومع ذلك ماوصلوا للمرحلة اللي أنتي فيها
لاتنظرين للناس اللي حواليك عشانهم متخصصين طب ومتوظفات وأنتي لا!!!!!
أنظري للي أقل منك
أنتي نسيتي أشياء جميلة بحياتك وبزوجك
وماشفتي غير أن اللي حولك أفضل منك عشانهم تخصص طب ومتوظفات!! وأن زوجك هو السبب!!
عاد من زين الطب<<<بتتصطر
والله أني صادقه أحمدي ربك يابنت الحلال على اللي أنتي فيه
غيرك مع بنياتها بشقة تكرف له وتكرف لهم وهو ساحب عليها ولاجاب خبرها!!
والوظييفة ربي بيرزقك أن شاء الله
أنا شايفه عيب بزوجك اللي هو يتحكم بزياراتك لأهلك
حراااااااااام عليه ليش هالقسوة!!
الله يصبرك ويوفقك ويكتب لك الأجر
وإذا على زواجه ماتدرين يمكن مايتزوج
فلاتتعبين نفسك وأكثري من الدعاء

حرام عليك لمين تخلين بناتك بها الزمن وانتي ماعندك وظيفه

التوبة (آية:51):قل لن يصيبنا الا ما كتب الله لنا هو مولانا وعلى الله فليتوكل المؤمنون

اللهم لا نسالك رد القضاء وانما نسئلك اللطف فيه

حبيبتي
عن انه يبغى يتزوج.......الرجال اذا بغى يتزوج ما يمسكه شئ.وتهديداتها.طنشيها
واذا تزوج........ لا تنسين انك فرحته الاولى الي مهما كان ما بينساها
عامليه بالتي هي احسن...لكسب رضا الله
لا تقولين.....عادي الطلاق......ترى بعد الزواج البنت ما تسوى شئ عند اهلها...
كثير الي اصروا على الطلاق عاشو مآسي من اهلهم.ومن الناس
لا تقولي ما يهمني..وإقرئي مشاكل المطلقات
الله يكون بعونهم........مافكروا الا باللحظة الي هم فيها((بعذر كرامتي))
بعد ما كسبت كرامتها واطلقت...لقت الاهانات والذل من اقرب الناس