زوجي بيتزوج (مدرسه وعندها بيت وعقيم)

هلا خواتي وش اخباركم
قولولي يااخوات وش اسوي زوجي بيتزوج علي
ابا قولكم السالفه امس اتصل علي زوجي المغرب وقالي تجهزي انت والعيال قلت خير قال ان شاء الله خير ويوم وصل اتصل ونزلنا حنا والعيال قلت له الله يعافيك اللي طلعتنا توسع صدورنا اسكت مارد
المهم وداني لبيت اهله قلت نروح لاهلك؟قال لا بس ابا نزل العيال عند امي عشان نتعشى انا وياك (بصراحه استانست)
المهم نزلناهم ورحنا للمطعم وطلبنا العشاء وهو مو على بعضه قلت يمكن مصدع لانه دائم يصدع عاديوانا اسولف وانكت(ومادريت وش يبي يقولي)
وطلبنا شاهي قالي اسمعي ابا اقولك شيء (يوم قالي كذا انهبلت قلت اكيد اهلي فيهم شيء)قلت وش صاير خير ان شاءالله
قال تعرفين فلان (صديقه)قلت ايه وش فيه قال له اخت مطلقه وسبب طلاقها انها عقيم وقالي احنا عادينك واحد من الاهل وماراح نلقى لاختي احسن منك
عاد يقولي اني فكرت بالموضوع بصراحه العيال (اللي هم عيالنا)مو مخليني ارتاح باليت لان عيالي تحت بعض (اختكم جايبه تؤام عمرهم4 سنوات وبعدين ولد عمره2 وخمس شهور والحين انا حامل )حملت والله غصبن عني وضاق صدري وبغيت انهبل بس وش اسوي الله اللي كاتبه
المهم قاعد يقول هواسمعي انت ام عيالي ومارح اظلمك انت الغاليه وانت وانت00000من هالكلام
لايقولي عندها راح ارتاح من ازعاج الاعيال ومنا بخاسر شيء هي مدرسه وعندها بيت وعقيم ليش ارفض
والله الغظيم اني الا الان ماني مصدقه (صارلنا خمس سنين متزوجين)(
وش رايكم وش اسوي