زوجي بيجنني ..الحقوني بحلول

السلام عليكم ورحمة الله وبركاتة
يابنات انا في مشكلة وأبغى شوركم
زوجي الله يهديه كل ما فتحت معاه موضوع التحاليل و الفحوصات يتضايق رافض بالمرة انه يعمل التحليل وانا نويت هذي اليومين أعمل فحوصات وأشوف سبب تأخر الحمل بس اللي سمعته ان اي دكتور يطلب أول شي تحاليل الزوج حتى ما تدخل الزوجة في دوامة الفحوصات والتحاليل الكثيرة واللي يمكن كمان ما تبين ايش المشكلة
احس زوجي خايف مرة من النتيجة وخايف انه يطلع العيب منه مع اني دائما أقول له ان هذا الشي من الله وان المفروض انا وانت نتقبل النتيجة مهما كانت سواء السبب مني او منك
وفهمته ان التحليل ممكن يكشف عن مشكلة بسيطة وعلاجها يكون سهل لكن ماهو راضي يقتنع لدرجة انه صارله يومين يقولي لما تروحي للدكتورة انا ماراح اروح معاكي راح اوديكي انتي وامك وارجعلكم خايف انه لما يدخل معايا عند الدكتورة تطلب منه يعمل التحليل
ايش اسوي يابنات عشان اقنعه ولا أروح اعمل الفحوصات لوحدي وخلاص
ساعدوني الله يكتبلكم الحمل العاجل يارب