زوجي بيذبحني؟؟

السلام عليكم ورحمة الله وبركاته
صباح/مساء الخير للجميع
انا ماادري شلون صراحه ابدا موضوعي كل ماقلت الاوضاع احلوت وهدت وصارت تمام انقلب الحال فوق تحت الله يعين والله اني قبل كم يوم كنت مستانسة واقول بنزل قصتي لبنات عالم حواء عشان ماييأسون وماامداني اقرر الا الاوضاع صايرة ازفت من قبل انا متزوجه لي تقريبا سبع سنوات من تزوجت انصدمت بالزواج لانه صراحه صار عكس اللي كنت اتوقعه ولا تقولون انه هذا حال كل بنت لالالالالالالالالالالا انا ماكنت احلم برومانسيه او غيره او غيره لاوالله بس كنت ابي زوج زي اهلي ابوي وخوالي واعمامي واخواني بس ماااااااااااالت طلع يطق لهم باصبع بالردى:06: وااااااااااه ياقلبي لاتحزن كان يحاول يزعلني بكل شي وصرت الاحظ انه يحاول يسوي اتفه الاشياء بس علشان ازعل عليه او اروح بيت اهلي ورحت لبيت اهلي وكل مرة يزيد وارجع من نفسي ومن دون ترضيه وحملت وفي بداية حملي بعد زعلت وجلست عند اهلي شهر ورجعت من نفسي لانه صار له حادث وتعور فرجعت علشانه طيب وقبل ولادتي قال انه بيسافر برا المملكة قلت ماتسافر الا قايل لي قال ابشري وقلت له انتظر لين اولد ورح بعدها بيوم دقيت عليه استغربت دقة الجوال شكلها خارجيه ولما رد علي قال ايه برا المملكه تخيلوا انه ولادتي باقي عليها اسبوع او اقل بس اخذته درس قلت زين وولدت بعدها انتظرته يجي ياخذني من اهلي الحبيب ماعنده نيه كل مرة يقول ابجي اوديك لاهلي يسالون عنك يبون يشوفون المولود طيب وانت يقول وانا بعد طيب متى نروح البيت ماعنده طاري الحبيب وازعل واجلس في بيت اهلي حول السنه تخيلوا ما سال فينا والا مصروف ولا شي طيب واكلمه ونرجع مرة ثالثه لبيته ولا كان شي صار بس اكتشفت المصيبه وهذي غلطتي اني فتشت الجوال لان الاهانه بتكون لي مو له:06: اااه لقيته يخوني مع عاهره صوتها يروع للي مايروعه شي لا والمشكله شكلها صغيرة من الصور اللي كانت ترسلها له وانا شايفه وساكته وقاعده اطوي في قلبي وادعي ربي ان الله يشغلهم في انفسهم حسبي الله ونعم الوكيل اخر شي واجهته والله حاسه بنار في قلبي وعسى من يلومني يبلا بمثل مابليت فيه المهم انكر وبعدين بدا يقول هذي وحده مزعجتني توقعتها من زميلاتك انت مرسلتها تشوفين عني وماادري ايش قلت ليه شايفني بنت شوارع او اصاحب مين من كان لا احترم نفسك مو انا اللي كذا اهم شي :44: قال لي والله ماعاد اكلمها وخلاص انا كبير وهذي حركات مراهقين وانتي ماليه عليالدنيا وماادري ايش ومشيناها وانا ادري انه بيغير الاسم وبس وفعلا غير الاسم لاسم رجال وغير الرقم السري وجبته وعرفت انه للحين يكلمها وقمت اتحسب عليه ربي اللي ماينساني لين جا ثاني يوم من العيد وكنت قبلها بيوم يعني يوم العيد محممه ولدي ولقيته مصورة وهو بالروب طبعا الصورة لولدي ومرسلها لها تخيلوا انا هنا خلاص صرت مااجمع شي لا وقايل لها يومين وجاي لك خلاص وصلت حدي ركبنا السيارة بروح لاهلي ولما مشينا ضربت على كتفه وقلت له ياحبيبي بتكلم كلابك هذي بتصرف عليهم بترسل لهم صورك بالشيطا الرجيم انت واياهم لكن مسالة انك ترسل صور ولدي لحد هنا ووقف وكنت اضرب على كتفه بكل قوتي من المغثه اللي فيي هو طارت جنونه هنا وماخلا كلمهشينه ما قالها لي وقلت له طلقني ماعاد ابي اشوفك خلاص يكفونك هم ونزلت بيت اهلي وجلست فيه لان مافيه احد كانوا باستراحه كلهم اخذ له يومين وكلمني وانتي غلطانه الله يهديك وماادري ايش وانا اسف وخلاص ابد اخر مرة ومن هالكلام اللي مايجيب شي ورجعنا وذاك اليوم وتجيني الشجاعه وارسل لها رساله عند كانت مافيه شي ماتصوره وترسله لزوجي بيتهم خواتها الزوار اللي كانوا يجونهم ورسايل يالله وحفظت نسخه من كل شي وارسلت لها رساله وقلت شوفي يابنت الناس ابعدي عن زوجي ابرك لك مادريت الا جوالي يدق رقمها رحت وارسلت لها اني ماراح ارد عليك لو مايبقى على الارض غيرك واذا ازعجتيني رقمك وصورك وكل شي يخصك في النت وعند الهيئة وانت حرة قالت لي انه الجوال مشترك بيني انا وبنتي وايش السالفه وماادري ايش من هالكلامانا قلت لها اجل لمي بنتك قبل مايلمها غيرك ووعدتني خير وقالت ابد مالك الا طيبة الخاطر واخوها هذا ذابحها وقافل عليها في الغرفه وجلست على هالحال مرتاحه منها ومن وجع الراس اللي كانت مسويته لي تقريبا 3 شهور وجت الاجازة وبدا الفلتان وشكلها القذرة اجتمعت مع صاحباتها او شي كذا تفاجات انه زوجي جاي ياخذنا بنروح مشوار الا ينفجر فيني انا مو قايل لك لاتكلمين الحيوانه هذ وماادري من هالكلام وانا ماادري من يقصد زوجة اخوه او مين قاعده اقلب في الناس من اللي قايل لي لاتكلمينها لا ومن وساعة الوجه باللي عندي :mad: كانت معنا الشغاله عاد تخيلوا وبعدين قال لي اللي مشغلتني انا قايل لك انها باليتني وتروحين تكلمينها انا في هالوقت كن احد معطيني طراق على خدي صحيت من هول المفاجاة واجلس اصيح الله لايوفقك ويجعلك انت وياها تحت سيارة ومن هالدعاوي الحلوة اللي خابرينوابكي بكى وكنت دوبي حامل اهم شي انه الاوضاع كانت ماشيه تقريبا وكنت مقررة انه يكون نفاسي ببيتي علشان حفظ زوجي ومااعطيه فرصه انه يلعب بذيله او اي شي ثاني وياليتني ما انفست ببيتي يوم صار لي اسبوعين والده الا يجيني سكراااااااااااااااااااان تخيلوا انا ما دريت عنه نايمه في امان الله وما صحاني الا صوت الاستفراغ قمت منفجعه ماادري شفيه:44: اثري الاخ شارب لين شبع وبدا يرجع انا ماستوعبت الموضوع الا بعدها بكم دقيقه واخذت عيالي وحطيتهم بحظني وجلست بس اتحسب الله عليه وعلى اللي دله على هالشي ولما قام الصباح قال انت مجنونه والله لاشارب ولا شي بس عطوني عصير ماادري ايشوشربته وانه هو السبب واخذت كم يوم زعلانه واقنعت نفسي انه صادق ومشينا حياتنا غصب وبعد ماطلعت من الاربعين جلست انتظر الرجال يجي ماعندك احد يابن الناس انا هنا مومعطي وجه وكنا بنغير البيت وكان شايل هم تغيير البيت وكان وده يسافر ومن هالكلامقلت يالله هذي فلوس البيت وهذي للسفريه ولا يصير بخاطرك شي وسكنا البيت يابن الناس امش نام بفراشك لا حتى ولده صار يطلبه انه ينام عندنا ومو راضي اخر شي قلت له والله مايجوز لك انك تسوي فينا كذا ومن هالكلام يعني من الناحيه الدينيه يقالي ابفحمه وليتني ماهرجت فاحت ريحت الخبال وصرعتنا قال لي انت قليلة حيا قلت قليلة حيا عشان اقولك نام بفراشك مو كنك بنقالي تسدح بالارض وش الله حادك قال:الله يلعن الفراش اللي انتي فيه تخيلوا وش راح يكون ردك لو قال لك هالكلام واخذت لي كم يوم علانه بسبب هالكلام وراضاني بفلوس كنت طالبتهم منه عطانيهم من غير مايعتذر طبعا
وقبل يومين كنت عند اهلي وكلمته وصوته متغير وهادي يعني كان شارب وقفلت التلفون بوجهه ونمت عند اهلي وجاء من بكرة واخذنا ولا تناقشنا في الموضوع ابد للمعلوميه هو موظف وراتبه زين بس مايصرف علينا ابديعني اذا صرف الف ريال في الشهرهذي معجزة ابد مايعترف بشي للبيت نهائي انا اللي اصرف وانا اعطي الشغاله فلوسها وانا اسدد التلفون وملابس الاطفال والسراير لهم وهو ابو بالاسم بس والمطلوب منكم وش الحل معه وكيف اتناقش معه بهالموضوع الحن اطفالي صغار وهذي سواياه اجل بكره لكبر وش بيسوي يارب تهديه