زوجي بيسافر وهو مقصر بحقوقي ,,

السلام عليكم ورحمة الله وبركاته
مرحبا اخواتي
انا ضايق صدري هاليومين لان زوجي بيسافر مع ربعه لدبي اول مره يسافر مع ربعه للخارج بعد ماتزوجنا (لنا 3 سنين متزوجين)
وانا خايفه مره ,, واحد من ربعه عايش حياته ومتفتح بالمره
واللي قاهرني زود زوجي ماقد سافر بي واذا قلتله خل نروح للشرقيه يومين ونرجع يقول ما معي سياره
لنا الحين سنه وزياده بدون سياره بعد ماصار في سيارته حادث وخربت ماخذ سياره اخوه الثانيه قديمه مره وبدون مكيف تخيلو
يعني الحين معه قيمة تذكرة دبي وما معه قيمة تذكره الشرقيه ,,اااخ يالقهر
وانا اخاف حالته تتدهور الى اسوأ
لانه من زمان وهو يطالع افلام اباحيه ,, ويوم قلتله قال خلاص بأتوب ان شاء الله
بس اكتشفت بعدين انه يشوفها ويمسحها
واللي صار من فتره اكبر من كذا ,, صار يشوف هالافلام ويسوي العاده السريه وهو يطالع ,,
بس مايدري اني داريه عنه ,, لانه يسويها اذا رحت لاهلي ,,
انا خايفه انه يتعود على السفر ويطلعلنا بمصيبه ثالثه ,, الله يستر
هذا غير اني حارمه نفسي من كل شي علشان مااضغط عليه لامطاعم ولاسفرات ولاشي حالتنا الماديه ضعيفه شوي
تخيلو يابنات في شهر العسل وداني لدبي 4ايام بس ورجعنا
هذا غير يوم ولدت ماذكرني بهديه لو صغيره تخيلو يابنات ولدت ولا جابلي ولا هديه وتخرجت ونفس الشي
اااااااخ تعبت ,, تعبت
يابنات شورو علي تعبت مره وافكر اتطلق منه خلاص عمره 35 وكأنه مراهق
انا الحين لازمه الاستغفار والدعاء وابيكم تدعون لي ان الله يصلح حال زوجي ويبعد عنه الحرام واصحاب السوء