زوجي بيضربني و يشتمني و انا خلاص عاووزة اطلق ارجوكم ردوا عليا

السلام عليكم و رحمة الله
حبيت افضفض معاكم و اخد رايكم في قراري لاي خلاص تعبت من الصبر على اصلاح جوزي
متجوزين وعندنا طفل و مسافرين بعيد عن يلدنا و رغم كده بدل ما يعوض غربتي الا انه بيضربني و يشتمني انا و اهلي شتايم صعبة جدااا و الله ما سمعت سب و شتيمة اصعب من اللي بيقولها و اللي يشوفه عمره ما يتوقع انه يقول الالفاظ دي و اهلي صعبانين عليا لانهم بيعاملوة زي ابنهم و ما يتوقعوش انه بيقول الالفاظ دي عليهم ابدااا
ده غير انه مش بيصلي و بخيل معايا يعني لو طلبت مه اي طلب و لو بسيط لازم خناقة الاول و هو لو حب يشتري حاجة بتهون عليه الفلوس و ممكن يدفع الوفات و انا كنت بشتغل قبل الجواز و هو اللي خلاني اسيب شغلي و دلوقت بشوف المرار علشان اشتري حاجة ليا او لابني
بجد تعبت و كل الحب اللي كان بيننا حاسه انه ضاع مني
انا دلوقت ميعاد اجازتي السنوية قرب و متفقين انزل قبله بشهر و كل سنة كنت بعمل كده و انزل الاول على بيتي اللي هوفي بيت عيله يعني بكون مع اهله فترة و بعدين اروح لاهلي فترة و كنت ناوية اعمل كده برضوا السنة دي برضوا مع ان فيه خلافات بيني و بين اهله بس قلت اكون انا الاحسن و اقعد معاهم كام يوم و اروح لاهلي بعدها
لكن المشكلة اني زعلت معاه من اسبوع و لقيته مد ايده عليا و قالي الفاظ جديدة اصعب من كل مرة و لا حتى حاول يصالحني و كان ده طبيعي و لاخايف من اهلي لانهم طيبيبن و هو فاهم ان طيبتي و طيبتهم معاه ضعف بدل ما يفهمها على انها احترام
المهم قررت المرة دي لازم اقف له و اطلب الطلاق و نعمل قاعدة رجالة و اللي يحكموا بيه هنعمله
هل كده صح ؟ و كده انزل برضوا عند اهله شوية و بعدين اروح لاهلي و ما ارجعش البيت تاني الا بعد هو ما ينزل من السفر و نعمل قاعدة الرجالة دي مع اني عارفه ان اهله ممكن يفرحوا في خلافنا و يقووة عليا
و لا انزل عند اهلي على طول ؟؟؟؟بس كده هضطر اقول للكلعلى المشكلة من اول يوم و ما كنتش عاوزة احكي على الموضوع ده عند اهلنا الا لما ينزل هو ؟؟
مش عارفة اعمل ايه يا ريت تجاوبوني بسرعة و اسفه على الاطالة