زوجي بيضيعنا عطوني حل سريع ربي يجزاكم الجنه

يابناااااااااااااااات لحقو علي زوجي بيضيعنا بسبب طيبته وعدم تصريفه للامور والله انه مابجيبه الا 400 ريال لاخر الشهر ساعدوني انقذوني وش اسوي كيف اقنعه يترك الهبال الي جالس يسويه ماعليش منفعله وقسم بالله مو شايفه قدامي


بقول لكم قصتي وياريت لا تبخلون علي اكيد مثلكم مرو بمشكلتي احنا الحمدلله حالتنا الماديه زينه كثير وكنا عايشين مرتاحين مره وزوجي يخش بجمعيات ويصير عندنا فلوس زياده ومانخلي نفسنا بشي
بس للأسف اخر مره واحد من أصحاب زوجي خش بمشروع صالخ رياضيه للرجال وماادري كيف قنع زوجي يخش معااه ماشفت الا زوجي خاش علي يقول خشينا بمشروع واعطي الرجال 120 الف ريال هذا السنه الي فاتت وقلت ماعليه الرجال يبي يحرك نفسه وكذا وللأسف من ذيك السنه لين هالسنه والله دخل الصاله الي اعطانا وياه الرجال مايجي 17 الف ريال فقط تخيلو دخل سنه 17 الف ريال والصاله خسرانه وقال له صاحبه اذا تبي تنسحب من حقك واقنعته وخلاص قال بينسحب ورجع صاحبه يزن علي راسه ومشروع ويبي له صبر وخرابيط وعور قلبه ورجع قال له خلاص بضل معاااك ايجارها 50 الف بالسنه والحين جات السنه الجديده وصاحبه يبي عليه 25 الف ريال غير ايجارنا 20 الف غير ايجار ورشته 15 الف لا ورايح ماخذ مزرعه ايجار سنوي 10 الاف ريال وماقال لي عليها الا من كم شهر وياريت مستفيد منها ليل ونهار اخوانه جالسين فيها وسوالف وهذره ومعسل وانا ولا عمري طبيتها يقول ماخذها نغير فيها جوووو ولا عمري شفتها احتلوها اخوانها وهو مثل الخروف يدفع فلوس وناستهم ولا فكرو يقطو ريال فيها حتي لا خرب شي والا لمبه ا ومولد كلموة تعال صلحه وش اسوي صفرنا ماضل بالبنك شي من الي ادخرناه وفوق هذا يقول لي الحين ساعديني بيعي لو شي بسيط من ذهبك هو سدد ايجار ورشته وايجار الشقه الي احنا فيها باقي المزرعه والصاله الرياضيه يبي له 35 الف ريال وش اسوي ياناااس وربي كنا عايشين بعز والحين بفقر حتي مصروف ماعطاني هالشهرين وانا منطمه مو مشكله بس مانبي تصير علينا ديووون كيف اقنعه ينسحب من مشروع صاحبه الفاشل ويترك المزرعه الي مو مستفيدين منها شي راسه يابس وعنيد بنضيع من وراه لو تعطلت السياره او احتجنا مستشفي لا سمح الله بنضيع قلبي محترق بقوووة تكفون ساعدوني يابنات ربي يسعدكم دنيا اخره