زوجي بيضيعني انا وبنتي ☹️

صباحكم ورد .
عندي مشكله مضايقتني من زوجي
يمكن بعضكم يشوفها عادي
بس جد انا تعبت معها واحس اني بضييع انا وبنتي بسبب تصرفاته


اول شيء زوجي طيب معي ومايقصرر
بس اوقات اشوفه انسان مريض وكلامه متناقض في نفس اللحظه يتغيير كلاامه


وبضرب لكم مثال
هو دوامه كل صبااح ويجي ع السااعه 3
طبعا اي وحده دوام زوجهاا كذا اكيد بتصحى وتجهز غداه
فأنا من بداية زواجي وانا احاول انظم نومي واصحى الصباح بدري اجهز فطوره وبعدها الغدا ويرجع ويلاقيني انتظره ما انام .
مع اني احب السهر وكذا بس كله عشانه وعشان مايزعل مني
المهم ملتزمه ب امور بيتي
يجي الاسبوع الثاني يقول لي خلاص لاتسوين شيء ما اشتهي الغدا ونامي عاادي
قلت عادي نظامي اصحى الصباح قال لا مرره لاتسوين لنا شيء
قلت طيب والله وخربتهاا وصرت اناام واصحى اذا جاء نأكل اي شيء خفيف وخلاص ماعاد افكر ف الغدا واستمريت ع حالي واحيانا يجي ويلاقيني نايمه ويناام معناا وعادي ماقال شيء
فجأة نهاية الاسبوع مسوي لي محاضره ويهاوش انتي فيك وفيك اجي مالاقي غدا 🙂طيب هذا كلاامك طبعا مايرد يكمل هواش ويحسسني اني مقصرره مرره
تحملت وصبرت وقلت يلا نعدل نومناا ونسوي غداه 😩💔 ومشيت ع نظامي قبل قال مابي رز سوي لي صينيه باشميل قلت ابشر ونوعنا ف الغدا مره صينية باشميل ومره صينية رز ومره ايدام ومره دجااج مشوي وهو ماشاء الله يأكل وعاجبه فجأة نهاية الاسبووع الا يهاوش لاعاد تسوين صواني الغدا مايصلح الا رز وكبسه اجي تعباان واخر شيء مالقى كبسه طيب انت تقول نوعي لي كل يوم 😭💔ومابي رز طبعا نفس الوضع مايرد ع كلامي كأنه ماقاله .
ورجعت للكبسه مره ثانيه عشاانه واسوي له كشنه وحركاات والدجاج اشويه ويأكل عادي وجاء نهاية الاسبوع يقول انتي ماعندك الا رز 💔
لاعاد تسوين شيء
اش الحل مع الادمي هذا من جد تعبت


غير المشكله هذي في امور. ثانيه عند تناقض
والمشكله اللي احس بتضيعني راتبه مايجلس معه اسبوع
انساان مبذرر مايحسب للفلوس شيء مايفكر ايش بكرا نحتااج كل يوم يصرف ع دخاان غير كذا طلباتي انا موب كثير بس بنتي تحتاج احيانا صغيره وتحتاج مناديل وغيررها هو عادي بيجيب ادا معه فلوس بس. بعدين من وين له
لانه بس يصررف ومايفكر اذا طلبنا بعدين وهو مامعه ولا شيء
وهذي مشكلتنا كل شهر راتبه 6 الاف والله يروح في اسبوع واذا طلبته شيءبعدين قال مامعي
انسان مايحافظ عليهاا مررره كله خرابيط
وطلعاته كثير ويصرف
وغير كذا اوقات مايصلي وتعبت معه مايفهم النصيحه كأني اسولف معه عادي مافي ردة فعل طيب الصلاه اهم شيء. يقول اي صح مقصر وخلاص ماشوفه يتأثر ويروح يصلي بس يسكتني
بالله عطوني حل كيف اخليه يصلي واجيه بأسلووب لانه من جد مايهمني شيء غير الصلااة 💔