زوجي بيطلقني 💔

زوجي له كم يوم متوتر عنده مشاكل وضغوطات برا البيت وهذا الشيء اثر عليا صار خلقه ضيق عصبي بزيادة اي شي يعصب عليا حتى لو ما غلطت معاه
من كم يوم صارت بيني وبينه مشكله للسماء انا اعترف غلطت عليه مادري ايش صار لي وقتها وهوا يدور الذله عليا اي شي يقولي اطلعي برا البيت ونا بتزوج ومرت اخويا احسن واشرف منك! كلام خلاني اعصب وقلت كلام ماله معنى وسويت شي تاني زعله مني اكتر بس كله ببسبه كلامه سم وجارح انا تعبت بس ما ابغا الطلاق مالي غير ثلاته سنوات متزوجة ..
دحين انا من امس اخويا وامي جوني اخدوني وسافرت معاهم وتركت بيتي زوجي اتصل على اخويا وقال تعال خد اختك وخرجت مجبرة من بيتي على غفلة 💔
انا طيبة معاه ومع اهله هو اهم شي في حياته اهله ونا صعب وقاسي معي ويقولي فلانه احسن منك وانتي فيكي وفيكي
زوجي يوم يكون طيب معايا وعشره يوريني انه بايعني وكارهني واني ولا شيء عنده يعلم الله اني اسمع كلامه بس هوا مايبغاني ويفتعل معي المشاكل والخلافات .. امس كلمته قلتله ليش تسوي كل هذا وتكلم اهلي؟ يقول روحي ورقتك بتوصلك انتي ماتحترميني رغم اني احترمه صح انا غلطت بس انا بني ادم تعبت من سبه وكلامه الجارح رديت عليه بس بسبته مو قل احترام مني 💔


انا ما ابغا اطلق واخسر زوجي وبيتي بزات انو عندي ولد صغير


يقولي انا كاره البيت وما اجي غير عشان ولدي وحتى هذاك الشيء كاره معاكي رغم انه ولا مره حسيته كاره او مغصوب وبيجي من نفسه كده يجرحني
ادعو لي ان الله يهديه وحسبي الله ونعم الوكيل 💔