اخواتي اشكركم جميعا على مشاركتكم موضوعي ونصحي

جعله الله في موازين حسناتكم اجمعين :26:

الحمدلله امس بعد رجوعي من الدوام كان زوجي نائم واستيقظ حوالي الساعه الخامسة والربع وبفضل من الله ثم دعواتكم الصادقة لي
اتاني زوجي وكأنه شخص اخر واعتذر لي وعن ضربه لي وقال بإنه لن يعيدها مره اخرى ان شاء الله
والحمدلله انه عدل عن فكره السفر وقال اذا فكر ان يسافر مره اخرى فلن يذهب بدوني
وكان بغاية الرومانسية

عسى الله يوفقكم اجمعين وينولكم مافي بالكم

بصراحة اخجلتموني منكم ومن تفاعلكم معي



مني لكم:26:

الحمد لله والله اني حييييييييييييييييييييييييييل استانست لج الله يسخر لج ريلج امييييييييييييييييييييييييين:26:

انتي مو غلطانه اولا باي حق يطلب منك فلوس حق هالدوله القذره تايلاند لا ومع اصحابه اما تعطينه فلوس ولا بيزعل؟ !!! والله حاله وبعدين بأي حق يمد ايدع عليك؟ شنو الدنيا فوضه هذا من اولها بسيطر عليك اهو الغلطان وانت ما غلطتي اذا ما كنت حامل نطري احسن بس انا اقول انك لازم توقفينه عند حده وما تخلينه يسيطر عليك بهالطريقه باجر راح تندمين ادري تحبينه وايد بس هذا بيذلك وادعيله بالهدايه بس حاولي تتمالكين نفسك وما تتطاولين عليه بالكلام بس هدديه لو مد ايده عليكي انك ماراح تستمرين معاه مجرد تخويف وانا برأيي انك ما غلطتي بس مادام انك تحبينه الله يهديه لك

قالت اللي في نفسي .

وطالما اتصالحتوا اهم شيء الآن انك تاخذي عليه تعهد انه ما يمد يده مرة ثانية
وفهميه انه لو كررها ردة فعلك حتكون قوية والله يسخره لك .

فعلاً مثل ما قالوا البنات..

كيف تتركينه يمد إيده عليك ويمزق ثيابك.. وتطلعين معه في الليل لكوفي شوب؟؟؟


لازم ما تهونين المسألة.. لو أي شي ثاني قلت لك اصبري.. لكن.. الضرب .. لا وألف لا.. لا الدين ولا الشرع يرضى بهالشي.. وإذا تعود عليه بيضربك كل يوم والثاني!!!


وكلامك أهون مليون مرة من كونه يمد يده عليك..

للأسف أنت خليتيه يحس أنك ولا شي.. ياخذ فلوسك ويضربك ويهينك.. وترجعين تترضينه وتبوسين رجلينه يرضى عنك!!!!!!!..

وهذا اللي يخلي الرجل يحتقر مرته (سامحيني بس والله منقهرة عليك)..

بعدين ليش تطلعين مع أختك وزوجها.. المفروض طلعاتكم وأنتم توكم متزوجين أنتي وزوجك بس وعلى هدوء ورواق.. موب عزايم وحريم ورجال وجمعات عائلية!

والشيء الأهم.. ليش يبي يسافر تايلند مع ربعه؟؟ هل هو متعود على هالشي؟؟ إذا ما كنتي تعرفين أنه كان يسافر قبل الزواج فهذه مصيبة.. وإذا كنتي تعرفين وراضية فالمصيبة أكبر وأعظم..

تدرين وشو راح يسوي هاليومين..؟
أنا ما قريت ردودك لكن واضح أنه راح يستغل حبك ويقولك.. ما راح أرضى عنك لما تعطيني فلوس أسافر وألعب فيها..!!
وأنتي راح تصيرين له الدجاجة التي تبيض ذهباً!!!

أختي حافظي على مكانتك قدامه.. ولا تهينين شخصيتك علشان نزواته ورغباته اللي الله أعلم بها..
أنا ما أقولك لا تطيعينه لكن عامليه بالحسنى وتحاوري معه بهدوء وحاولي تقنعينه وخلي شخصيتك متزنة أمامه ولا ترضين تتنازلين عن مالك وهو يعاملك بهالأسلوب البربري.. والرجال اللي ما يبيك إلا علشان فلوسك ما فيه خير..