حبيبتي ماراح أقولك انك غلط والي عملتيه مايصلح لان الي أيده بالنار مو مثل الي أيده بالماء
وانتي كان هدفك الاصلاح لإكثر
بس أشور عليك بشيء
أولاً انك تختمي القران في ثلاثة إيام يعني كل عشر أجزاء بيوم واليوم الأخير بعد الختمة صلي ركعتين وأدعي فيهم أن رب العباد يصلح حالك مع زوجك ويسخره لك
بعده ضفي عفشك يعني جمعي أغراضك وروحي لبيتك وتوكلي على الله
وشغلي سورة البقرة يومياً عشان تطردين الشيطان
ولاتقصرين بيتك رتبيه وزينيه وبخريه
واذا جاء زوجك وخايفه على كرامتك تتكسر
حبيبتي أنتي ولله الحمد ربي أعطاك أولاد تقدرين توصلين الكلام الي تبينه عن طريقهم
واذا سائلك بشكل مباشر وش رجعك قولي رجعت لعيالي ولابو عيالي وخلاص
عاد حطي الغداء او العشاء اذا ماأكل عندك عيال ياكلون
واذا قال أرجعي لاأهلك قولي أنت أهلي وروحي لغرفتك واسكتي واصبري وخلي ردودك بسيطة
ويمكن السالفة يعني الصلح ياأخذ وقت بس مافيه شيء بعيد عن الله سبحانة
واحتسبي الاجر من الله سبحانة

مشكرين الله يعطيكم العافية
انتم تقولون ارد لبيتي هذي انشالله بحاول اسويها
لكن اتفاهم معاه بهدوء هذي مستحيلة لاني قلتله بالتلفون قال انا ماعندي
تفاهم الا الطلاق
وخايفة من ردة فعله لمن يجي ويلقاني في البيت

ياحبيبتي لاتخافين من ردة فعله وهو قال لك الطلاق يعني ايش راح يعمل اكثر من كذا بالعكس انا اتوقع انه لما يشوفك راجعه من حالك وراغبه فيه وفي الصلح يمكن يهدأ حبيبتي حاولي تلمين انت الوضوع خليك انت العاقله مايخلف اضغطي على نفسك فتره وان شاء الله ماراح يخيب مجهودك على طول ارجعي للبيت ولاتترددين لحظهولو عصب اوشي قولي له انا ساريتك وخلاص خلي المشكله بيني وبينك واكيد باذن الله نحلها وخلص لازم تعرفي طبع زوجك انه مايحب احد يتدخل في حياته وتاكدي انت او هو انتم الأن في مرحلة القوه التي سوف يعقبها ضعف وهي مرحلة الوهن والشيخوخه واكيد انتم بس اللي راح تشيلون بعض ادعي ربي له بالهدايه وهذا الدنيا لن تدوم وسوف ياتي يوم ونموت ولايتبعنا الا العمل الصالح فخلي صبرك على زوجك هو عملك اللي ترجينه من الله

لاتخافين ولا شي

انا اتوقع والله اعلم ان زوجك يبي يسويلك درس ويضغط عليك
وهددك بالطلاق وهو مو من قلبه

ان شاء الله ان كل شي يتصلح

بس ارجعي بيتك زي ماقالولك الاخوات

وكوني له عروسه جديده

والرسايل لاتقصرين

اختي حتى لو تنازلتي مايعني انها من كرامتك

بالعكس امكن زوجك يحترمك اكثر ويقدرك

وفي وحدة من البنات الله يسعده عرضت دعاء حلو مرة يلين قلب الرجل
بس مضيعاه
اللي عارفاه ممكن تدلها

المهم طمنينا عليك

الله يعطيكم العافية
بس تدرون تجيني لحظات افكر واقول كرامة اهلي
وبعدين اقول وشلون ارجع لرجال فكر يبيعني بسهولة
عشان سبب مايسوى
مادري وش رايكم؟؟