هلا وغلا
صباحك عسل :cook:
اول شيء القهوه والشاي
القهوه سوي معها حلا قهوه ( حلى وردات الجوري بقوالب السيليكون ) والتمر رتبيه بشكل حلو
الشاي اذا بتحطين لهم شيء سوي كيك او شابوره ولا صينيه موالح او بس حطي السكر بشكل حلو ويكفي عشان ياكلون العشاء مو يشبعون ههههههههههه
العشاء ياقلبي وهو المهم
اهم شيء السلطه العاديه المعروفه خيار طماطم بقدونس خس ليمون <<< لان الرجال مو كلهم يحبون السلطات المبتكره فهذي السلطه بتكون شيء رئيسي
سوي سلطه ثانيه اللي تفضلين سلطه الشاورما حلوه او اي سلطه فيها صوص وحركات واهم شيء شكلها يكون مرتب
او فتوش او تبوله
ورق عنب
كلها مقبلات وتعطي شكل حلو للسفر
سوي لهم اي صنف مع الرز سواء صينيه او اكله ثانيه اذا تعرفين طبخات شعبيه سوي لهم اكله شعبيه افضل
الحلا سوي لهم حلا بس الرجال مايحبون يقطعووووون ويحوسون يحبون كل شيء جاهز فاذا بتسوين لهم حلى الكاسات وتحطينه بعلب
بلاستيكيه اللي لها غطاء من فوق وتركبين عليها ملاعق صغيره بكل علبه بيكون مره نايس ويناسب الرجال مثل كذا
بس انتي سويه طبقات ملونه اكيد بتلقين طرق كثيره لحلى الكاسات بس انا اوضح لك الصوره
او حلى الشاموه <<< ينفع مع القهوه بعد اذا قطعتيه مربعات صغيره بورق بيليسيه
او سلطه فواكه
اذا زوجك بيجيب تورته مع العشاء الغي حلى السفره لان التورته تكفي ويكون افضل لو حطيتو تورته تناسب جلستهم وتناسب المناسبه
سوي عصير فرش بيكون مره نايس اذا انتي تضبطين نوع معين سويه مو تبتكرين وتجربين لا شيء واثقه انه بيطلع حلو حتى لو عصير برتقال او رمان يكفي <<<< اذا حطيتي سلطه فواكه ماينفع تحطين عصير الا اذا بيشربون العصير قبل العشاء
اهم شيء ترتبين وقتك وتجهزين كل شيء عشان ماترتبكين ويضيع جهدك كله خصوصا اذا زوجك دقيق على كل شيء :time:
كثرت هرج بس عشان افيدك و انت ماحددتي متى عزيمته اذا الليله احس الوقت مره قصير انك تجهزين لها اليوم قلت اكتب كل شيء لك
بس ان شاء الله تبيضين الوجه
:27:
علمينا وش سويتي بعد العزيمه بالصور ننتظر :35:
الصور منقوله لعضوات من منتديات اخرى للامانه
الصفحة الأخيرة
زبادي وشويه طحينيه وملح وخل وشوي ثوم وكزبره وباذجان تقطعيه مكعبات وتقليه وتحطيها على الخلطه
وحلا سوي
باذن الله تبيضي الوجه