زوجي بيعطيني رضاوة عشان ارجع وانارافضه

ادري زوجي يحبني ويموت علي لكن الظروف+حبوب الكبتاجون
وبيننا طفله
هوتعامله طبيعي جدا معي ولايقصر بشي
لكن كل بعد فتره مثلا شهر او شهرونص يثور عشان شي تافه يعني يصير عقله عقل طفل وتجيه حاله غريبه من العصبيه
وممكن بدون سبب يختلق سبب مثلا شوفي روحه لأهلك ماعاد فيه الا بعد شهرين او ثلاثه..والبيت عند البيت..يعني قرارات غبيه ظالمه وينفذ قراره
اذا عصب يعايرني بكل شي مايطري على بال احد
يسب اهلي ويسبني بأشياء افتراء لسانه وسخ ويهددني ياخذ بنتي
ولودافعت عن نفسي بأسلوب زين يضربني
هذا كله ابقدر اصبر عليه
لكن خوفي من المستقبل
قريت هنا وحده زوجها يبلع الحبوب وبعد3اطفال دخل عليها بصاطوره يبي يذبحها
ويقولون اللي يستخدم هذي الحبوب مايطول ويضرب راسه
انا خفت اصبر سنين واتفاجأ بزيادة بلاوي
او يقتلني او يقتل بنته
خفت انجب منه كذا طفل ثم نفترق وبدال ماهو طفل يكون هناك كذا ضحيه 
طبعا ماعرفت بموضوع الحبوب الا متأخر
وعشان كذا اصريت على الطلاق مع محاولات زوجي
وبكى يبيني ارجغ وبكى يوم طلعنا من البيت ويضم ملابس بنتنا ويبكي ويرسل لي الى هذي اللحظه قصائد عشق وهيام
واليوم دخل عمي وخالي يتوسطون عشان ارجع وقال بدفع لك30ألف رضاوة وارجعي ويحلف ماعاد يمد يده لكن انا مشكلتي مومدت اليد لأن يوم يمد يده امد يدي واخذ حقي وابرد حرتي وانامصدقه وعده انه مايمد يده
مشكلتي مع خوفي من الحبوب تلعب براسه مستقبلا
الان الحبوب لاعبه براسه تصدر منه امور مثل كلامه يعني ينقال  عنه بعض الاحيان خبل او موسوس وعصبيته على شي تافه 
وموبس انا اللي متأذيه منه حتى اهله وعمله
وعلى فكره لما كنت عنده مغرقني بكلام الحب ويطلعني ويسافر فيني ولاينام الا حاضني ومشبعني من الناحيه العاطفيه واللي خبركم...ويموت في طفلته ومتعلق فيها كثيييير
بالله انصحوني