زوجي بيموتني ساعدوني بدعواتكم

السلام عليكم
بنات انا كم مره اكتب مشاكلي والحين انا في حاله مايعلمها الا الله
تخيلو كملت حياتي وانا ساكته صابره
اغسل اكوي اطبخ اذا طلب مني الفراش مارفضته
على اني اشوف كل كلاااامه بالمواقع
وهو مايدري
اشوف كلامه بتويتر
وكيف يسولف مع البنات وكيف يضحك معهم
وانا اذا دخل علي ساكت ومنزل راسه على الجوال
24 س يطقطق فيه
انا عنده خدامه وللفراش فقط
اما يكلمني لا
يسمع طلباتي لا
تخيلو عشت وساكته وصابره وبلعت الموس
عشان ولدي بس
عشان عيون خالد
تخيلو اليوم اسمعه يكلم واحد ويلمح انه بيفصل النت حقي
وبيصير يستخدم النت اللي بشريحه بس
يعني يصير جواله فيه النت
وانا اجلس فيها لانت ولا طلعات ولا تلفزيون
يعني اكل (...)
هو اذا انقهر يفصل النت عني
طيب انا ماسويت له شي
اطبخ له اكوي له اغسل له ولا اتكلم ولا كلمه
ليه يفصل النت ماادري
رحت عنده قلت سددت فاتورة النت قال لا
قلت ليه قال مامعي فلوس
قلت الا معك وهو ساكت
وصرت اتكلم واقول انا الحين محترمتك وكل شي واخر شي تسوي لي كذا ليه ليه مو حرام عليك
وصرت ابكي واتكلم وهو مانطق بكلمه جالس على الجوال
وقلت وانت تخون تخون وانا ساكته صابره ماقلت شي
ليه تقهرني ليه
وبعدين ليه تخوني وش سويت لك
مو حرام عليك
ومسكته قلت رد علي
وقال لاتلمسين ولف يدي اقوا ماعنده
يقول ترا بقطعها
قلت اقطعها بس لاتخوني
وولدي ركض ضمتي ومنزل راسه عمره 2
وانا طلعته وصرت اضحكه بس ماضحك
اسولف معه عشان ينسى ساكت
العبه مايتحرك واخر شي نام
ااااه بس تعببببت
تخيلو والله ماتميت 20
وهذي حالتي جاب لي القولون تعبني
تخيلو امي مع زوجها وماتبيني خايفه زوجها يضحك عليها وهو اصلا زين معي بس ماتبيني
ابوي مع حريمه واصلا ماعرفت الا يوم كبرت
وكنت اشوفه بسنتين مره بس يسلم ويطلع

يعني انا مرررره الابواب مسكره بوجهي
مدري وش اسوي
شكله بيموتني والله تعبت من الحياة

دعواتكم لي بااخر الليل
طلبتكم كل من صلت الليل تدعي لي
واللي ماتقدر ترفع يدينها وتدعي لي
ابغى الكل يدعي كل من شاف كلامي
طلبتكم
:(
اختكم دنياي كفايه شقاا