والله الرجال ما ينعرف لهم ادا موظفه قال مشغوله عني ...ولو ربة بيت يقعد يمدح الموظفات
دوري لك وظيفه وانشغلي فيها ..ولو انتقدك قولي له انت الكامل يعني مافيك عيوب مثل ما يطلع فيك عيوب انتي انتقديه وقولي له فيك وفيك ...وجع اللي يوجعه
فيه شي اسمه احترام مشاعر وتجريح زوجك ..مو شايفك شي ..انشغلي ولا تكبرين قدرة يشوف نفسه ولو كلمك ردي عليه اكبر من كلاامه

انا أشوف المشكله فيك انتي مو بس زوجك لانك حاطه زوجك في المقدمه وهمك بس رضاه حبيبتي ارضي الله اولا بعدين نفسك وخلي ثقتك بنفسك كبيره كل إنسان وفيه مميزات واذا هو يقلل من شانك كذا فهذا مشكله فيه هو وليس فيك .....

ههههههههههههههههههههههههههههههههههههههه ياثق دمج انا وانا وانا شايفة نفسج وانتي ربة منزل اشلون لو متوظفه صج غبية .. من عذر زوجج كاره اسلوبج انا قريت كم سطر ولاعت جبدي ... ليش كل هالغرور ... تواظعي وغيري اسلوبج .. على فكرة ماكملت الموضوع من سخافة اول الموضوع ...

ياأختي شكل زوجك يحب المرأه العمليه الي تشتغل  وتنجز يجذبه هالنوع ،
وأنت حلو أهتمامك بنفسك لكن ماهو لدرجة أنك لطلعتي برا بيتك تحاولي تظهري بشكل ملفت وأناقه .....وألخ على شأن ترضي زوجك . 
وأحب أنبهك أن رضى الله فوق كل شي ، أرضى الله يرضي عنك جميع خلقه ، وتذكري مقوله لأحد الصحابه .. أني أرى أثر معصيتي في دآبتي وزوجتي .. 
ومادام زوجك يعرض عليك تتوظفي خليه يبحث لك عن وظيفه... إذا مكان ععندك وقت فراغ منها تحصلي راتب وتستفيدي ... 
والله يصلح مابينكم ... 

حبيبتي أي ثقافه بتتثقفينها وانتي بين أربع جدران .. واي مواكبه للشياكه والأناقه وانتي لا وظيفه ولا صديقات معه حق زوجك .. وش فايدة الشكل إذا حس إن تفكيرك واهتمامك محصور بالبيت والشكل .. حبيبتي الزمن تغير والشاب يتمنى زوجته تكون مشرفه قلبا وقالباً .. أنا زوجي يقولها لي بالفم المليان أنا أفتخر فيك وأحسك إنسانه فاهمه ومثقفه حتى لما نكون فجمعه كل الناس تحط فبالها إني وحده متعلمه وموظفه وفاهمه أكثر منهم أنا من أجلس مع الوحده أعرف من تفكيرها وردودها والمواضيع اللي تفتحها إذا كانت موظفه والا جالسه بالبيت .. مستحيل تجي ربة بيت تقارن نفسها بموظفه .. أنا أواجه الناس بشكل يومي وتعاملت مع أكثر من شخصيه واعرف كيف أتعامل مع كل شخصيه بحكم إحتكاكي بالمجتمع .. وحتى بالمظهر مافيه مقارنه .. تبان الموظفه من اهتمامها بشكلها وأناقتها وتكون خبره بهالشي أكثر من اللي جالسه بالبيت كل يوم أكيد لي شكل ولي طله تختلف عن اليوم اللي قبله لأني موظفه .. وكون زوجك يشوف موظفات مو معقوله يستقعدلك الا وهو شايف فيهم شي يفتقده فيك .. لاتقولين انا أهتم وانا أسوي وانتي لا وظيفه ولا صديقات تظل الموظفه غير .. مستقله بنفسها وشخصيتها واجتماعيه وعدي واغلطي بعدد صديقاتها كل هالأشياء تخلي زوجي يشوفني إنسانه مو محدودة التفكير همي البيت والزوج .. لا اهتماماتي كثيره والتزاماتي أكثر وأملك ثقل في المجتمع يجعل زوجي وكل من يعرفني فخور فيني ويطلب ودي .. دبري عمرك حبيبتي ..وبالتوفيق