زوجي بينهار وانا بفقده...سالتكم بالله شيروا علي؟؟

السلام عليكم ورحمه الله وبركاتهـ

احبتي في الله لم اجد سبيلا لتفريغ مابداخلي سوا الكتابه لكم وسماع ارائكم
لان افكاري تشتت وتوقفت عن التفكير
اسمحولي اكتب مابخاطري وارشدوني مالعمل؟

انا مملكه وزوجي رجل طيب وحنون وذا خلق ودين والحمدلله
احوالنا كانت على مايرام واكثر من ذلك
لكن تحولت الاحوال رائسا على عقب

قبل سنتين والد زوجي اقترض مبلغ 6 مليون ودخل بالاسهم وطبعا تعرفون وش صار
وخسر كل شي
دخل السجن لانه ماقدر يسدد والطبيعي ان ولده مابيخليه يجلس يوم واحد بالسجن
راح وكفله ومن هذاك اليوم حالنا من اسوء لاسوء
زوجي باع كل شي يملكه وانا مااعترض بالعكس انا اثني عليه لان اللي مافيه خير لاهله مافيه خير لزوجته واحد اني


الحمدلله قدر يسدد 5 مليون وشوي بس باقي تقريبا نص مليون
والرجال اشتكاه والبنك ياخذ من راتبه بسبب القرض اللي طلعه غير انه اقترض من اصحابه عشان يسدد للرجال
وكل يوم مشكله جديده احس الدنيا سوده بوجهه
احسه بدوامه مو قادر يطلع منها
كل مانقول هانت نلاقيها تعقدت اكثر من قبل
صدم قبل كم يوم والحين عليه دفع حق سياره الرجال وتصليح سيارته بعد ومابجيبه ريال
ماعرف وش الحل؟
الحين مابيده شي هو واحسه بدا يتعب حيل
تغيرت نفسيته نحف كثيييير
احسه مهموم ماينام الليل ولا يضحك
جاته جلطه برجله من كثر الهموم
شايل هموم اهله كلهم
انا احس يدي متقبضه ابي اطلعه من اللي هو فيه بس مابيدي شي

هو تفكيره تشتت
وانا تشتت معه

احسه بينهار وبفقده والله
وصل لمرحله ماتتصورونها
له بهالدوامه اكثر من 3 سنين والحين زادت عليه الهموم بشكل مو طبيعي
انا وانا بعيده احي بانهيار
انا ماكتبت كل شي لاني لو اكتب الهموم كلها مابخلص
والله انهد حيله وانا ابي اسوي شي مو عارفه
وصل لمرحله يتمنى الموت فيها
مع انه عند كل مشكله يقول الحمدلله واللهم لاعتراض على حكمك
ماعررررررف ايش اسوي؟؟؟؟



تعرفون طريقه او جهه تسلف وتنتظر سنه ع التسديد
ابيه يسدد للرجال وينفك من شكاويه ويسدد لشخص ثاني بس يصبر عليه؟

وجزاكم الله خير
ياليت تدعون له في ظهر الغيب طلبتكم

وجزاكم الله خير