السلام عليكم ورحمة الله وبركاته..
اتمنى ان الكل مرتاح ومبسوط بإجازته
عندي مشكلة مااقدر احدد حجمها ومن السبب فيها ..المهم اني واقفة قدامها محتارة وقلت البركة في حبايب قلبي بنات حواء كلهم فطنة ودهاء وحنكة اكيد بيساعدوني
>>>>مابعد بدأت السالفة؟؟
ياطويلات العمر في يوم من الايام تخرجت ولله الحمد بكالوريوس انجليزي بعد ماصار لي سنتين مزوجة وخبركم اللغة اذا ما استعملتها تضيع واتوقع الحين اني مافهم الا (yes ,no):42:
زوجي ماعنده مانع اتوظف...طبعا مدرسه وانا ماودي اروح واقدم على المدارس واطلع وانا ادعي يارب مااعجبهم؟؟؟!!!!!
يعني مو مجالي التدريس وبعدين وش بيضيف لي التدريس خبركم المناهج عندنا ماشاء الله صعبه مره!!:09: والطالبات يساعدون ان الواحد يبدع...
بصراحة انا احب الترجمة وهي مجالي اصلا بس وين احصل احد يوظفني؟؟؟؟طلبت من زوجي اتساعد مع مكاتب خدمات الطالب بس مارضى قال ايش ماابغى يصير بينك وبينهم اتصال!!!:09:
قلت يااخي حط فاكس وخلاص قال لا الرجاجيل بيدورون اي عذر عشان يتصلون بك؟!!!
قلت طيب عن طريق النت قال لا ياشيخة وايمالات وسواليف؟؟!!ياربي وشلون اقنعه ماادري
اول كان يعارض دخولي النت مرة وحده بس شوي شوي صار عادي حتى صار يشوفني ويروح ويخليني مو يجلس يبحلق وش اقرا وين داخلة...؟؟؟(بس مايدري اني مشاركة هنا يحسبني بس اقرا واطلع))شفتوا حتى المشاركة مع نساء يمانع يقول وش يضمن لك انك تكتبين وتردين على حريم يمكن رجال؟؟؟؟؟
يا اخي مايسمعون صوتي ولا يشوفوني ولا حتى يدرون من انا لا تعقد الامور؟؟
عاد بعد هالقصة الطويلة ابي من اللي تعرف عنوان شركة او اي مكان يبون مترجمة من المنزل بالايميل ترسل لي عنوانهم وانا باابدأ اقنعه واحاول فيه
المشكلة انه هو يتعامل مع النساء بالصوت والصورة عادي معليش قال ايش شغل!!!لكن انا لا؟؟:(
والله احترت
الله يخليكم ساعدوني مليت من الفراغ وابي حل
والللي بتوظفني الراتب الاول بيني وبينها:26: :26:
وشكرا على الحلم والقراءة

الطيب يضيع @altyb_ydyaa
محررة
يلزم عليك تسجيل الدخول أولًا لكتابة تعليق.

غرشوب رعبوب
•
الله يعينك اختي للاسف انا مب من السعوديه بس ماحبيت اطلع بدون ما ادعيلك ان ربي يوفقك ويسهل امورك ويهدي زوجك ياااااااااااااااارب وتلاقين الوظيفه اللي تريحك وتبدعين فيها

غرشوب رعبوب :
الله يعينك اختي للاسف انا مب من السعوديه بس ماحبيت اطلع بدون ما ادعيلك ان ربي يوفقك ويسهل امورك ويهدي زوجك ياااااااااااااااارب وتلاقين الوظيفه اللي تريحك وتبدعين فيهاالله يعينك اختي للاسف انا مب من السعوديه بس ماحبيت اطلع بدون ما ادعيلك ان ربي يوفقك ويسهل امورك...


flare
•
فيه جمعيه النهضه اذا انتي من الرياض
دائما يطلبون مترجمات ...
اتصلي عليهم وشوفي ....
الله يسهل امرك..
دائما يطلبون مترجمات ...
اتصلي عليهم وشوفي ....
الله يسهل امرك..

الصفحة الأخيرة