أنا ما أحب التلفونات وأهلي يوم أبا أشوفهم نتواعد ونتزاور بس للضرورة أستخدم التلفون إذا ما فيه وسيلة ثانية لكن المشكلة في ريلي
ريلي تصك فاتورته الألفين أو 1500 في الشهور العادية والــــ 4000 في أيام السفر :(
طبعاً يوم مسافر ياخذون الدبل

وعشان جيه ما يقدر يحاسبني ولا يقولي شي على التلفون لو في يوم زودتها!

مادري تصدقون لو أقولكم أحياناً يمر شهر كامل ما علي ولا فلس :) أنا الوحيدة فيكم غير لكن الإنترنت لازم يدفع فاتورته بعد

كلكم تهونون عن قصتي انا ياطويلات العمر زوجي بشركه خاصه ويعطونه شريحه جوال ولها حد 1000 ريال والشركه هم الي يسددونها ،،وزوجي المسكين بعد ماشاف فواتيري الي تقص الضهر قالي ابعطيك الشريحه بس لاتزيدين عن الالف ريال المهم كانت فاتورتي ماتوصل الالف مو اقتصاد بس مادري شلون مع اني كنت اكلم ودولي كمان ،،وبعد فترة سنه تقريبا استعاد زوجي الشريحه ورجعت شريحتي الاولى وتعالوا شوفو الفواتير كلها اكثر من الالف مع اني اخفف مكالماتي ولا اكلم دولي شلون مادري زوجي بغا ينهبل يقولي تراعين الشركه اكثر مني ،،،وما زالت المعاناه مستمره والله يعينهم علينا ويرزقنا بالوظائف علشان نفكهم منا ...

ضيقتوا خلقي ما فيه حل وسط اللي كانت مسرفه شلون تخلصت من الاسراف بس عاد بالتدريج مره وحده ما نقدر والله مدري كم فاتورة الايزي نت بتجي شكلي بتطلق

احسن حل يقطعون السنتكم علشان ما تستهلكون ولا ريال