السلام عليكم
بدخل في الموضوع على طول :(
أنا ساكنه في تبوك من سته شهور عشان عمل زوجي وباقي لنا سته شهور ونرجع للرياض
اهلي وأهل زوجي كلهم بالرياض ومالنا قرايب هنا ابد
المشكله زوجي قبل شهر جته دورة عمل لمدة اسبوع في مدينه بعيده وللاسف ماقدرنا نروح معه لان بنتي عندها اختبارات وولدي موعد مستشفى وماتسوى علينا كلها اسبوع وبس
وبنفس الوقت ماقدرت أسافر لاهلي للظروف اللي ذكرتها فوق. اللي صار انه زوجي سافر لوحده وجلسنا بالبيت ولا قلت لاهلي انه سافر لانهم بيزعلون أكيد ليش يتركك ولو صار فيك شي ووووو.
الحين عنده بعد شهر عمل في (مصر) لمدة اسبوع برضوا المشكله هي انه جاني امس قال مافيه روحه لا انتي ولا عيالك اجلسوا بالبيت لما أجي مثل اخر مره. طبعا رفضت وقلت لا بنروح معك المره الاولى خليناك لوحدك عشان عيالنا لكن هالمره بنروح اجازه ولا عندنا شي!!! رفض واسباب رفضه هي انه مو أمان. وطول وقتي بالعمل. وأخاف أترككم بالفندق لوحدكم.
وانا يابنات ما اقدر أسافر لاهلي لانهم بيسافرون يتمشون وغير كذا صعبه اروح لهم في مكان سفرهم.
اختي تقول أنا مستعده أخذ عيالك وتسافرون انتي وزوجك كلها اسبوع وبس
الحين هو رافض يابنات يقول مافيه روحه تبين تروحين لاهلك روحي حجزت لك وانتهى الموضوع ماتبين اجلسي ببيتك. قلت طيب كنسلها قال لا. على أني عارفه ولو احلف لكم مليون بالميه انها مو الزاميه يقدر يعتذر بس هو مايبي.
ادري غلطتي أني سمحت له المره الاولى بس والله كان غصب عني
وغير كذا ما اقدر اجلس اسبوع لوحدنا هنا مانعرف احد
المره الاولى دوامات ومواعيد هالمره مافيه شي وتعبنا مره بغيابه حوسه وهو عارف بهالشي
صارت مشكله كبيره بسبب هالموضوع والله
بكيت وجيته بالطيب واللين ولا جاب نتيجه
تكفووون قولولي وش اسوي؟
اهلي مايدرون بالموضوع ولو عرفوا قالوا تعالي لنا بس صعبه عيالي معي وأضيق عليهم
وانا ماابي يروح ويخلينا. كيف اقنعه يابنات الله يسعدكم؟
ابغاه يأخذنا معه والا يكنسلها!!!
تنازلت في البدايه وصار يعاند ويقول اجلسي مثل المره الاولى
وهنا لو اهلي فيه والله ماعلي منه بس غربه ولا نعرف احد
اكتشفت ان الطيبه والضعف ماتنفع معاهم
عديم المسؤوليه
حسبي الله ونعم الوكيل :icon33:
يلزم عليك تسجيل الدخول أولًا لكتابة تعليق.
هاله 2
•
يا بنت الحلال كلها اسبوع وبيمر ولا بيسوى كل هالزعل خليه يتسهل هالاسبوع لعمله واتفقي معاه انه بس يرجع تروحي معاه ومع اولادك طلعة حلوة وتغيرو جو وتنبسطو هونيها بتهون .
حاسه فيك ياعسل انا من الرياض وساكنه بتبوك ,,,,,,,,اذا كان زوجك بالسلك العسكري غريبه روحته لمصر لانه من الدول الممنوعه حاليا ع العسكر دخولها هي والبحرين وسوريا لانه مو اماان عليهم ’’’’’’’’’’’’’’
اما ماينعطون وجه صااادقه انا خليت زوجي يحضرزواج اخته (بس رجال ع كذا مارحت ) وراح عزاء جدته والحين امه تزن عليه تبيه يجي زواج بنت خاله ياخالي ابوي حك ظهري وانا كان رافض احضر زواج اختي بحححجه رجلي ع رجلك ,,,,,
فقررت مااوافق لروحته بالحاله مهما كااان ,,,,,طولت عليك بس لاني حااسه فيك ,,,,,,الا وش رايك نروح لجرين لاند الخميس :biggrinlo
اما ماينعطون وجه صااادقه انا خليت زوجي يحضرزواج اخته (بس رجال ع كذا مارحت ) وراح عزاء جدته والحين امه تزن عليه تبيه يجي زواج بنت خاله ياخالي ابوي حك ظهري وانا كان رافض احضر زواج اختي بحححجه رجلي ع رجلك ,,,,,
فقررت مااوافق لروحته بالحاله مهما كااان ,,,,,طولت عليك بس لاني حااسه فيك ,,,,,,الا وش رايك نروح لجرين لاند الخميس :biggrinlo
خليه يسافر ويترك عندك مصروف زين وروحى وسعى صدرك مثل ماهو موسع صدره واحمدى ربك انه سفره عمل مو لعب والله العظيم زوجى كان ناوى يسافر لمصر ويجلس فيها اصدقائه مصاريه حذروه انها مافيها اماااااااان ابدا وخاف وهو رجال كيف انتى ومعك عيالك واشرطي عيه ان رجع يسفركم انتى والعيال شفتى ازعل والمشاكل ماتنفع مع الرجال جيبى راسه بالحيله والتمسكن واتركى ازعل لانه مايفيدك بشي بس ينفقع قبك على مهناش عكس ان روقتى واخذتى الامور بساطه راح تنبسطين انتى وعيالك حتى لو انتم جالسين بيتكم الهون ابرك مايكون ولا تحسبين زوجى مايسافر والله حتى المغرب سافر له بس مالى فيه هو يسافر ينبسط وانا ابسط روحى ولا على منه
الصفحة الأخيرة
روحي لهلك واجلسي اسبوعين وانبسطي وغيري جو والمره الثانيه روحي اذا كانت الدوله حلوه وبارده وطبيعه مو مثل مصر منتي مستفيده شي