لله يعينك

انتقلوا لشقه ثانيه بعيد شوي و ارتاحوا

الله يكوون بعونك ويهدي ام زوجك ويسخر لك زوجك والبنات ماقصرووا بالكلام ..

الله يسخر لك زوجك


بالنسبه لام الزوج اكتفي بالسلام مو لازم تلتصقي ببيتها او تنزلي تتقهوي او شي خلي علاقتك معها رسميه في حدود الاحترام.....
لا تنتظري يوم ان ام زوجك تعاملك زي بنتها انسي بس دائما تذكري ان معاملتها بطيبه تعطيك نتائج
ترضي ربنا وترضي ضميرك
زوجك يكون عارف باحترامك لامه
اولادك يعرفوا ان امهم برت بجدتهم...فلا تذكري مسأوئها قدامهم عشان لا تفقد احترامهم ...حطيها ربنا هو اللي يحاسبها


بالنسبه لزوجك : شكله يكره المشاكل وما يحاول يحلها يعني بدل ما هو يخوض في المشكله عشان يحلها يحاول يلف حولين المشكله ويتركها بدون حل ...يمكن يخاف يقولوا زوجته غيرته على فكره في مجتمعنا الشرقي الرجل يخاف هالعباره يمكن لان اهلنا يلقنوها لنا ان الرجال له كلمه فهو اذا جاء بصفك قالوا يتبع حرمته ....سبحان الله حتى لو عندهم اعلى الشهادات بعض الرجال ما يتغير ما ادري ليش ؟......
ابسط شي يعمله هو انه يستقل بعيد اهله لان انت لما تزوجك المفروض يكون في عقد الزواج وان كان لفظيا المعاشره باحسان يعني من حقك عليه حمايتك وابعاد اي ضرر يمتد لعيلتكم ومن شانها تدمر الموده بينكم ...ذكريه بهالشي لا رجع بس اهم شي الحين حطيه براحته يمكن حاس بغلطته وباهانه مثل ما قلتي سبته قدام العمال اتمنى يكون حس بالظلم اللي انت عايشتنه وهي تسبك حتى قدام اهلك يعني بالمختصر ادعي ربنا يكون هالموقف بدايه تحول في حياته من شخصيه سلبيه لشخصيه قادره تقول للحق حق والخطا خطا



وطبعا انت ما تملكي الا الصبر والدعاء

بعد قلبي صج قطعتي قلبي
الحين الي سويتيه صح مثل ماهو هرب وقاطع اخباره عنكم بحجة انه تعبان
انتي قعدي ببيتك ولاتردين على اتصالات زوجة صديقه
واذا جا قعدي معاه وبينله حجم الغلطه الي ارتكبها شلون يخليكم ويمشي بكل بساطة
وبالنسبة لامه الله يعيينك عليها
مالك الا انك تطلبين سكن مستقل اذا هدت الامور واذا مارضى حاولي تنعزلين عنها شوي وتتجنبينها
بس ماتقطعين عيالك عنها
والله يعينك ويصبرك