زوجي ترك المطبخ يحترق ولاهمه!! وانكتم صدري ومارضى يوديني اسعاف

:(:(
وش اقولكم يابنات مصدومة مرررررررة
من قبل ساعتين تقريبا
صار حريق في مطبخي حريق بسيط الحمدلله
النار كانت عالية على فوق بس مساحتها شبرين بشبرين تقريبا
شميت الريحة وانفجعت يوم دخلت ودقيت على جارتي على طول وجت
الله يجزاها خير وأنا أحاول أفتح طفاية الحريق ماقدرت من الفجعة
جت هي ومعها طفايتها_ الاسكان موفر لنا طفايات اجباري_ وعلى طول بخت بقوة والحمدلله طفت على طول
قعدت ارجف شوي وصدري انكتم من السواد اللي غطى المكان
وريحة ابلاشتيك المحروق كتمتني وصرت اكح أسود ومن خشمي يطلع اسود بعد
هدتني شوي وراحت ياحرام أكلها عالنار وزوجها بالطريق
دقيت على زوجي وكان توه طالع من الدوام :09: وأنا أبكي ومفجوعة وأبي هواء نقي البيت مكتوم
المهم قال يالله أنا بالطريق طبعا وصل وشاف الرغوة معبية المطبخ وقعد يتطنزز علي
ويضحك ويعلق وأنامو قادرة جسمي ينفض تصدقون ماقعد دقيقتين بالضبط وقال أنا طالع!!
(هو له عادة بعد الدوام ياخذ لفة ويشتري كوفي ويدخن سيجارة الله يهديه ويرجع)
طلع وانا مصدوووووومة
مني مصدقة يابنات
شي مو ضروري ابدا لاهو دوام والله اقول ملزوم يرجع
ولاحتى قال اوديك الطواريء وشايفني أكح وارجف وابكي
ولاحتى قال أطلعها هي تشم هواء نقي غير هواء البيت
:09:


انا شرهت عليه مررررة وقلت بنفسي هذا مو الرجال اللي اهلي أعطوه اياني أمانه
على فكرة أنا متزوجة لي فوق 5 سنين ولاعندي اطفال يعني تركني بلحالي ارجف

حتى يوم رجع قال هاه وش شلونك ببرود ... واانا المناديل حولي مليانة بلغم اسود تكرمون
احس اني شرهانة عليه مررررة ومني قادرة اكمل معه حياتي خايفة من اي شي يجي بعد كذا
قبيت عليه وقلت له انت ماهمك وش هالبرود كيف تخليني كذا وقعدت اعاتبه
قال مافيك شي وشفت انك طيبة قلت خلاص
وماهو حاس بتأنيب الضمير يابنات ولا حتى بخطأه وقعدت اقوله لوالمسألة معكوسة بالله وش تقول عني .؟
والله يابنات أنا ماهمني مرة لو أنه رجع للدوام بس رجع لشيء بايخ وتافه وكل يوم نتهاوش عليه وهو سبب المشاكل بيننا (الدخان) مني قادرة اسامحه والحين هو نايم ومدري وشلون استقبله اذا قام
مني طايقته ودي اسافر لأهلي :(

وش رايكم باللي صار ....؟؟
قلبوها زين بعقولكم