زوجي تزوج عليا والحين لقيت الدليل.. كيف اتصرف.

ااااااااااااه يابنات بينفجر راسي من البكى بموت من القهر مدري اش اسوي ومحتاره كيف اتصرف مع زوجي اذا صحي

طبعا هاليومين لاحظت انه طايح فيني تدليع وقال لي بغير لك غرفتك ويسالني تبين اعطيكي فلوس والا اجيب لك هديه حلوه ومن هالكلام ويطلعنا من البيت انا استغربت بس مابينت له عشت الجو معاه بدون تعليق وانا شاكه في مشوار راحه يوم الخميس كان مشوار غريب اخذ ابوه معاه وحسيت لما سالته وين رايحين انه يكذب بس مادققت وبعدين لقيت رساله في جواله لزوج اخته يقول له خذ الوالد طلعه شوي حتى اخلص !! انا استغربت وحست ادور اجابه للتساؤلات اللي في راسي بس مشي الحال ااااااااه قبل شوي رحت بطلع الاغراض اللي في ثوبه علشان اغسل الثوب لقيت الدليل القاطع على زواج زوجي اللي كنت خايفه منه لقيت تحاميل منع الحمل العلبه نااقصه وكمان لقيت فواتير اثاث غرفة نوم ومجالس باسمه وباسعار حلوه برغم انه كان يزعل مني اذا اخترت نوع غالي ..

طبعا زوجي من اول راعي زواج مسيار وانا اتجاهل لان ماراح ينفع معاه الكلام بس هالمره الزواج غير دفع مهر لاني دخلت على موقع البنك وشفته ساحب من حسابه مبلغ وكمان يأثث يعني الاخت ثابته وضره من جد يااااربي مدري اش اسوي
انا كنت مخططه اسافر عند اهلي بعد ثلاث اسابيع والحين متردده اروح والا اقعد له هنا وكمان هو قايل لي بيسافر اخر الاسبوع مع صاحبه للامارات بس لحين عرفت منهو صاحبه اللي بيسافر معاه ...

شيروا عليا اسوي نفسي مادريت واستلمه طلبات وتغيير اثاث والا اطلع كل الهم اللي في قلبي عليه اذا صحي واخرب السالفه

طبعا زوجي من النوع اللي ماينفع معاه الصدام لانه يعند زياده ولايرحم بس مستصعبه اني اداريه برغم القهر اللي في قلبي

ودي بالحكيمه فيكم تنصحني نصيحه تنفعني تكفون ربي يسخر لكم ازواجكم وماتشوفون اللي اشوفه ...