سكوتك هو الي خلا الكلام يرسخ في راسه دايم اهل الزوج يتكلمون في زوجة ولدهم بس لمى يلاقي منها رد يسكته ماتتغير نظرته فيها..
انتي المفترض قلتي عاد لو شفت وجه مرة اخوك كنها تيس بدون لحيه وويع مدري شلون اخوك صابر عليها الحظ لشلقى والبلقى ..
وبعدين ع فكره ترا حتى انا صديقتي شافت صورتك قالت لالا مو من صدقك وش ذا شييفه زوجك مو حلو كيف تتحملين تقابلين وجه اكسري ثقته بنفسه الله يهديك انتي الي ثبتي الكلام ع نفسك ترا الرجال يمووت ع الحرمه للي تعطيه بدال الكلمه ١٠ وكل مايحطمها تحطمه وتكسر ثقته بنفسه هاذي رقم واحد عنده ويفضلها على امه ..
سكوتك هو الي خلا الكلام يرسخ في راسه دايم اهل الزوج يتكلمون في زوجة ولدهم بس لمى يلاقي منها رد...
أما بالنسبة لأهل زوجك فيمكن وخلينا على مبدأ حسن الظن اهل زوجك ناقدين جدا وربي فكك منهم وممكن خربوا بينكم لولا تدخل زوجك، فحتى لو كان في علاقة الأفضل انها تكون رسمية من طرفك. وكل شي في حياتنا قدر وربما ربك صرف عن بيتك شر كبير بانقطاعهم طول هذه المدة من حياتك.
الآن بعد ما تخرجين من الصدمة وتطلعين مشاعر القهر اللي داخلك تحاوري مع زوجك في الحل اللي يرضيك حتى ترجعين او تصلحين قد ما تقدرين من وضعك في الأسرة. الحمد لله ما فيك شي يعيبك فهل يرضى زوجك ان عيالك يتربون وامهم مبعدة عن العايلة؟ اكيد ان هذا الشي بيأثر عليهم لما يكبرون ويمكن يتعايرون بالطريقة اللي زوجك قاعد يدير فيها الموضوع. اشتغلي عليه من ناحية شعور الاطفال بالعدل في المعاملة وفي اكرام امهم وعدم الانحراج منها عشان كلمة حرمة لا راحت ولا جت !!
انا مدري هذول اللي يقيمون الناس بعد الزواج ما يعرفون بحديث الرسول عن لعن المخببين؟ مين حضرتها وايش مؤهلاتها حتى تقيمك ؟؟ اذا قيمتك انت بعد قيمييها انها غيرانه واكيد حاسدة ولا ما قالت هذا الكلام السنيورة (حسبي الله على اللي يخرب البيوت)..
انت الزوجة الأولى وبينك وبين زوجك عشرة وأولاد فحاولي تهدين نفسك وتتعاملين مع هذه المشاعر مع أخصائية مثلا لحد ما تطلعين كل اللي بداخلك لأنك ما تبين تزيدين تختبرين صبر زوجك فمهما كان صبور مين رح يتحمل طول مدة الصراخ والصد والنفور؟
ادعي كثييير وحطي عيالك وسط عيونك وانت تقررين ما لهم ذنب تحرمينهم من ابوهم بسبب موضوع الزواج من ثانية او حتى بسبب اسلوبه اللي اشعرك بالخيانة والقهر. الله يبرد على قلبك ويعينك على القرار الصح.