زوجي تزوج علي ومحتاجه افضفض

مرحبا اخواتي والله ضايقه فيني الدنيا ومحتاجه افضفض مالقيت الا الكمبيوتر لانه لو مافضفضت كان راح انجن علما اني مريضه ضغط
هذا الله يسلمكم باختصار متزوجه من 11سنه ومارزقت باطفال حملت مره وسقطت وانا وزوجي نحب بعض بجنووون ولله الحمد ومانقصنا شي الا الضنا وكنت السنتين الاخيره خايفه حييل من سالفه الزواج ومادريت الاقبل شهر انه خاطب وماخذ التحليل بغيت انجن وطلعت من البيت بعد ماحطني عند الامر الواقع بس من الحره ماصدقت جلست عند اهلي وجا وراضاني بكل شي بس يقول اعذريني ابي ضنا وهو الله حق ماقصر معي سوالي انابيب 3مرات ووداني الخارج وانا والله مالومه ومن حقه وخاصه انه اكبر اخوانه الي اصغر منه عندهم 3و4 المهم جابني لبيتي ويدور راضي ويبي يعالجني والحين باقي له شهرين على عرسه بس وش يصبرني هالشهرين اشوفه وهو يزبط بشقته وماااادري كيف اوصف حنا حريم ونعرف شلون الضره علما ان الي تزوجها اصغرمنه ب20سنه عمرها17وانا اكبر منها ب12سنه بس والله بنجن ابوي واخواني رافضين فكره الطلاق وانا بجلس لحالي بالبيت بس براقب حياتهم والمشكله ماعندي شي يشغلني لاوظيفه ولادراسه ولاصديق ولارفيق بس انا اوساوسي علما اني انسانه طموحه وجميله وطباخه هذا الي خلى زوجي متمسك فيني ورافض الطلاق يقول اخذت طفله علشان تجيبلي كل سنه طفل والله مادري اصدقه وناس قالوا تطلقي وناس قالوا عامليه زين واكسبيه ومادري كل ساعه لي راي طفشت نفسي وطفشته انتم وش رايكم