🇸🇦السعوديه🇸🇦 :

اي والله. تاخذ إجازه وتقابله زي ذيك وتجلسلها ع الحبه. ماتخليلها الجو كذا دام إختارت البقاء. هذيك حتى اليوم الي مهو لها ترسله صور وتدقدق عليه وهذي مسكينه تاكل بعمرها.. سوي مثلها بالضبط.. اعتبريك في معركه يانصر ياشهاده🥴 زي مايعطيها يعطيك وزي مايجلس عندها يجلس عندك. لكن تسلمينها الخيط والمخيط وتقولين طاير فيها! انت عطيتيه الوقت والمال.. تفضيله بس عشان تنكدين عليها هي البسي وتشقلبي واضحكي وصوريله وارسلي ليش تخلينه ينبهر بهذي الأشياء منها؟ ماتعرفين تسوينها؟ لحد يقول لا ومدري إيش وقلعته .. لا مهو قلعته دامها اختارت البقاء توريهم الشغل الثنين بالهدوء والدلع والغنج لين يمل منكم يالثنتين ساعتها مايصح إلا الصحيح. حياتها وبيتها وزوجها وأولادها ليش تتنازل عنها كذا وتكتفي بالتحسر. طيعيني خوذي إجاااازه وقولي استقلت وجربيييي..

اي والله. تاخذ إجازه وتقابله زي ذيك وتجلسلها ع الحبه. ماتخليلها الجو كذا دام إختارت...

قلب أبييض🤍🤍🤍 :

وش اللي تترك وظيفتها يعني تعالج الغلط بغلط أكبر لا طبعا بعدين انها تقابله وتنشب لها على الوحده هذا اسلوب منفر للرجل ممكن يكون يغيض الثانيه بس برضوا ينفر الرجل لان الرجل مايحب اللي تطرد وراه وهذي طار معاها لانها توها جديده وعلاقتهم ببعض جديده بس اذا استمرت على هذا الاسلوب بس تطارده راح يمل منها ويرجع للاولى والكلام هذا من تجارب كثييييييره وتحليل نفسي للرجل انا انصحك تتمسكي بوظيفتك وتخوفين زوجك انو راح يفقدك في اي يوم من الايام بشكل غير مباشر لاتحسسيه بالامان ولا تخليه يتوقع منك شي ويصير دائما خالفي توقعاته واهتمي بجمالك وانوثتك وتلقينه يجيك يركض ركض الله يعوضك ويوفقك ويسهل امورك

وش اللي تترك وظيفتها يعني تعالج الغلط بغلط أكبر لا طبعا بعدين انها تقابله وتنشب لها على الوحده...

ناديه الشمري :

اشكر كل خواتي اللي علقوا وافادوني بنصايحهم واراءهم والله مجروحه بشكل لايوصف خصوصا اني صبرت على وضعه وظروفه المادية السيئة وساعدته وشلت معه مصاريف عياله ولااطلب منه شي لنفسي ابدا انا قايمه بكل شي حتى العامله انا جايبتها وادفع راتبها وابي الاجر والثواب من ربي .. لكن خيانة العشره شئ مؤلم .. مشاعري صارت متقلبه جدا بين صدمه وحب وكره والم ماني عارفه اثبت على شعور واحد ابي اتخذ قرار يخليني ارتاح نفسيا لاني عايشه بعذاب والم نفسي الله يعلم فيه لانه يجي واشوفه ويجلس معنا وكل مشاعر حبه واهتمامه اشوفها قدامي رغم انه يحاول يخفيها بس تبين ماتوقعت التعدد مؤلم كذا شعور قاتل كان الله بعون كل وحده زوجها تزوج عليها من كثر ماكان يحبني ويعشقني ويدلعني قلت مستحيل ينساني لو يتزوج ١٠ والله صرت ولا كأني زوجته صار بينا فجوه كبيره وتعبت من اهماله وتطنيشه يبيني انا ابادر في كل شي اغلب وقته ياساكت ياعالجوال وهو من النوع اللي اي هبة ريح تطيره مش عشان هي او جنسيتها .. حتى لو سعوديه بيسوي نفس الشي الحمد الله على كل حال .. امي تقول لي يمكن خيره لك يابنتي لانه كان لاصق فيني ولااقدر اروح ولااجي ولااهتم في عيالي يبيني بس مقابلته ليل ونهار فصراحه ارتحت شوي منه لكن مش كذا . اللي يقهرني انه صار يجي عندنا يغير جو وياكل وينبسط بس . مش يلبي احتياجاتنا او يهتم فينا . وهذا هو طبعه كذا يحب يستمتع بأكل وسوالف ووناسه لكن الواحبات والمسؤليات والعيال والمشاوير مايحبها ويالله يسويها .. لهالسبب افكر اتركه واشتري شقه وابتعد عنه واهتم بحياتي وعيالي واخليها يجي بالاسبوع مره يشوف عياله واخذ نفقة السكن وعيالي اللي سكت عنها كل هالسنين من المحكمه غصب عن خشمه . عالاقل اهون على قلبي من الظلم اللي جالسه اشوفه قدامي لاحقوق ولا مسؤليه ولانفقه وفوقها متزوج علي واهلي يقولون لي لاتطلعين لانه بينساكم ويترككم لو طلعتوا ليش تتركين لها البيت وللعلم البيت بيت امه لورثه مش بيته هو ماعنده بيت اصلا .. واهله اعطوه هذا البيت له بدون صك بس عشان يسكن فيه .

اشكر كل خواتي اللي علقوا وافادوني بنصايحهم واراءهم والله مجروحه بشكل لايوصف خصوصا اني صبرت على...