زوجي تصرفاته تغيرت بستشيركم && مُعدل

السلام عليكم ورحمة الله وبركااته هذي مشكلة اختي واتمنى تساعدوها

بناااااااااات اسعفوني ارشدووني الله يحقق منااكم وينولكم كل مبتغااكم ولا يحرمكم الأجر

يابنات انا زوجي مريض مدري وش حالته بالضبط ؟؟
مريض نفسي او مريض روحي
له 3 سنواااات وهو على هذا الحال ووضعه كل يوم يسوء عن الأول
بالأول كان يتوهم اشياء مالها وجود
شفت واحد نط مع الشباك -قطط سوداء تناظر فيه - حتى التلفزيون الناس اللي فيه يناظرون له
يحسب نفسه مراقب
واخذوه اهله عند المشايخ عشان يرقونه وكان يعصب عليهم ويقول انا مافيني شيء
وكانوا ياخذونه غصبا عنه ومن شيخ لشيخ ومافي فايدة
قالوا يمكن عنده مرض نفسي واخذوه لطبيب نفسي والطبيب سوى له تحاليل وقالوا ع ما اظن ان البنكرياس
تعطل عنده واعطوه ادوية ومهدئات وكان ينام اغلب الوقت واختي تقول احسن عشان يريح راسه من
التفكييير المتواااصل واستمر ع الأدوية وحالته مثل ماهو والدكتور اذا كلموه قال استمروا على العلاج
بعدها بفترة صار كل كلامه سب في ابوه بالظهر بالعصر بالمغرب 24 ساعه ابوي فعل ابوي سوا وصار يغلط ع ابوه

ايواصح تقول حتى كان يقول كلمات وسخه لأخواته و اذا الوحده مشت من جنبه مرات يسبها ويقول انتي قح.. حركاتك تدل ع كذا
يعني ينخييل اشياء مدري كييف
والأن يابنات وضعه غيير وانا صرت خايفه عليه بس يفكر وافكر اغلب وقته يفكر ومرات يضحك مع نفسه وصار بس يكتب اشياء مدري كييف
24 ساعه يفكر ويكتب
مثلا يكتب اسماء خواته واسماء ازواجهم واسماء القريبات وازواجهم ويكتب عن السجن مالسجن والتحقيق ومابغى ضرب او ترويع ومرات يكتب
اسمه بالكامل ويصف نفسه بأنه المهدي وابن مريم وبنهاية كل ورقة يوقع ويكتب نفذ وربي صرت خايفه منه مدري وش اسوي
انا قلت لعل زوجي مريض نفسي بس في يشككني انه مو مريض نفسي وهذا لأنه قبل فترة كان يحس بألم بجسمه وبعدها صار يستفرغ لمدة 3 اسابيع
ومن بعدها طاح في الأرض وعيونه تشقلبت فووق و جسمه تعوج مدري كيف وجو اهله وقعدوا يقروون علييه ويدهنونه بزيت مقري وهو يصرخ يقول احس بألم هنا
ويدهنونه بزيت وينتقل الألم لمنطقة ثانيه ويدهنونه لين دهنوا كل جسمه وهجد بس صار لما يمشي يمشي مثل المعوق لمدة نصف ساعه وبعدها رجع طبيعي

الحين وش رأيكم اوديه عند طبيب نفسي ولا راقي ثاني ؟ شوروا علي الله يسعدكم