زوجي تعبني بحياتي ما يسوي شي الا اعطيه فلوس

السلام عليكم
يا بنات انا تعينت اداريه و راتبي 5000 وعليها
المهم من نزل راتبي و زوجي صاير احسن باشياء كثيره
صار يطلعنا نتمشي كل ما طلبنا منه
و يحاول يرضينا بس هذا كله بمقابل الراتب
واذا ما عطيته او تصرفت فيه اما عطيت اهلي او شي
ونقص عليه ينقلب سب و عصبيه و كل شي
طبعا هو كل مشوار لازم يسحب من الصرافه
نقضي اللي نحتاجه و الباقي بجيبه
ما يقصر علينا اذا كان رايق
و بفلوسي
امس حطيت اشمغته بكيس وقلت له تكفا خذها معاك للمغسله بس تنكوي قالي اكويها هنا ما يطري علي اوديها وبعد ما ترجيته واني تعبت في غغسيل وكوي ملابسه رضي
بس بمية ريال كلها شماغين وبس كوي لاني غاسلتهم
قالي تبين اوديهم للكواي هات مية ريال
حق البنزين والدخان ..انا هنا انصدمت منه دايما يطلبني فلوس بس ما يشرط انه ما يسوي شي الا بفلوس
وكنا متفقين نسوي صالتنا باركيه و علي حسابي رفض
لما رفضت اعطيه الميه
انا يا بنات دفعت حق الكنب الف وسبعميه لان بس نجدته و خمسميه حق طلعه وحده معاه تمشيه
و سبعميه حق ملابس لي و شوية اغراض للمطبخ تقريبا بثلاثميه و سددت المقصف بميه و ثمانين لبناته
وشحن جوالي علي و مصروفي علي
هو يستلم راتبه مدري وين يوديه هذا الشهر يقول انه صلح السياره
ومدري عنه ماني متاكده من كلامه
لما رفضت اعطيه المية وعطيته عشره رماها بوجهي قال اشحذ ابوك انا يا مية ريال يا اكويها انتي
قلت والله انا ما كنت ادري اني توظفت عشان اصرف عليك
هاج و ماج و عصب و طلع
رجع حاولت ارضيه
ما فيه فايده ..بصراحه يا بنات صار له اسبوع متغير
انا اعطيه و فلوسي دايما مرميه
بس ما اقول كلمه الا يرد مالك شغل او كلي ... وانتم بكرامه
عزت علي نفسي اعطيه فلوسي و فوقها ما اسمع منه الا كل كلمه شينه
وان جيت عنده و مزحت و سولفت معاه يقولي انتي وش تبين تدورين الزعله شكلك
ما كان كذا قسمن بالله
ما اقولكم نتزاعل و نتكلم ع بعض بس مو كذا
قبل شوي قلت له بروح لاهلي لان زوجة اخوي و عياله
رايحه لامي و صار لها اسبوع تنتظر الجمعه عشان نروح سوا و نتقابل
طبعا هو زعلان رفض ..
قلت له وش ذالحركات يا اعطيني فلوسك و علي كيفي
ولا يا ويلك مني
طردني من الغرفه خرجت وتركته
شوي اقول ليتني عطيته الميه و افتكيت
و شوي اقول ليش اعوده ما يسوي لنا شي الا بفلوس
بيزعل كم يوم و بعدها يرضي
هو يحكيني عن واحد من اصحابه يقول انه ما يطلع زوجته لاي مكان الا بحق البنزين وبحق الدخان و زياده بعد بجيبه
وانا احسه يبي يسوي زيه
مدري وش اسوي
مقهوره و خايفه زوجي حقير و كايد ولا يخاف يسوي اي شي عادي عنده