زوجي تعبني بعصبيته..

السلام عليكم

ابي اطرح موضوعي اليوم عن زوجي مثل ماتعرفون لينا11 سنة زواج
اعاني من عصبية زوجي الزايدة عن الحد..بالاونة الاخيرة يمكن عامين زادت حدة غضبه
والله اني مااحب استفزه حتى مابخليه يعصب
بس هو علشان ولا شي يصرخ واذا تكلمت وقلت له وطي صوتك وتكلم بهدوء زي ماانا بكلمك يثار ويهيج ويسمعني وابل من الشتائم ...
تخيلو مجرد مناقشة يبيني انهيها فورا والا عصب وصار يهاوشني احيانا بسكت واحيانا اصارخ زيه
والله احس باعصابي متوترة تخيلو كل 3 ايام صراخ
متطلباته كثيرة يقول ماابيك تطلبيني عالجوال ولا ابيك تساليني مع مين كنت ولا ابيك تتدخلين بخصوصياتي
وانا والله كل قصدي لما اساله من خوفي وحرصي عليه
فهمته بس هو يقول ماابي هالحرص منا وفكينا ولا عاد تجيبين هالسيرة
هو لما يكون رايق يكون طيب وحنون بس بمجرد مااناقشه باي شي حتى ولو كانت باغراض البيت فعلى طول يصارخ ودايما يتحجج بضغوطات العمل والعمال
مع انه مع الاخرين منظبط في انفعالاته ومتحكم في نفسه وما يلاقيني الا انا حتى يفرغ شحنة غضبه
ماابي اخبر حدا عن وضعي ومالي الا الله ثم انتم فهل ستساعدونني.