زوجي تعبني لسانو طويييل

بنات زوجي لسانو طويل لما يعصب هو ما كان هيك وصار هيك بقلي بسببك اذا عمل شي دايقني وجيت حكيت معو بقلي هي ردة فعلي ع افعالك هو بنظرو انو انا بعاندو مع انو انا بس ما بحب يهيني ووقت يهيني او يسبني بنقهر كتير وبصير بحكي منشان احسسو بغلطو ما بردلو الاهانة يعني بحكي منشان يحس شلون جرحني بقوم بعصب وبيهجم علي وبسبني ومن شوي ابني عم يبكي رحت اعملو حليب وتاخرت شوي وهو فاق ع صوتو ورجع سبني مع انو ما حطيت عيني بعينو وما حكيت ولا كلمة وما بيترك شي ما بيقولو وفوق هالشي ما بيعتذر وبيتجاهلني وبدو انا ابادر وانا ما بقا احسن اشوفو او اناظر وجهه عنجد تعبت منو واختي بتقلي لازم تضلي ساكتة حتى لو حكا هيك عتذري او روحي ع غير غرفة وسكتي وانا بحس بالذل والقهر وبنفر منو لما اعمل هيك وهلق هو قال عم يحط لايكات ع منشورات انو المشكلة صغيرة بس في حقد جواتي يعني انا حقودة وبلا احساس 🙂🙂كيف اتصرف معو شو اعمل والله حترت وتعبت